Kvalifikacyja advakata žurnalista Pačobuta «nie całkam adpaviadaje patrabavańniam zakanadaŭstva»
Advakat žurnalista i palitviaźnia Andreja Pačobuta Alaksandr Biryłaŭ atrymaŭ paviedamleńnie ad Miniusta, što jaho kvalifikacyja źjaŭlajecca «nie całkam adpaviadajučaj patrabavańniam zakanadaŭstva».
Takuju pastanovu ŭčora vyniesła Kvalifikacyjnaja kamisija pa pytańniach advakackaj dziejnaści ŭ Biełarusi. Biryłavu dali paŭhoda na toje, kab vykanać rekamiendacyi kamisii, paśla čaho budzie praviedziena novaja atestacyja.
Licenzii Alaksandra Biryłava pakul nie pazbaŭlali. Ciaham apošniaha miesiaca licenzij pazbavili niekalkich advakataŭ, jakija abaraniajuć palitviaźniaŭ.
Hrodzienski žurnalist, siabra nieaficyjnaha Sajuza palakaŭ Biełarusi Andrej Pačobut znachodzicca za kratami ad 25 sakavika.
Jaho vinavaciać u raspalvańni nacyjanalnaj varožaści (č. 3 art. 130 KK), jamu pahražaje ad 5 da 12 hadoŭ źniavoleńnia.
Kamientary