Pradstaŭnik ES: Mihrantaŭ zavablivajuć u Biełaruś praz dypłamatyčnyja ŭstanovy
Aficyjny Minsk dziejničaje praz svaje dypłamatyčnyja ŭstanovy, kab uhavorvać hramadzian inšych krain pryjechać u Biełaruś, abiacajučy im dalejšy šlach u ES.
Pra heta zajaviŭ na bryfinhu ŭ Bruseli śpikier Jeŭrakamisii Pieter Stana, paviedamlaje «Jeŭrapiejskaja praŭda».
«Jany kantaktujuć z patencyjnymi padarožnikami praz aficyjnyja kanały, takija jak biełaruskija konsulstvy, pasolstvy i h.d., jakija vydajuć vizy. Jany kažuć: vy možacie pryjechać, vam budzie pradastaŭleny transpart da miažy», — raspavioŭ Stana.
Jon raspavioŭ, što jeŭrapiejskija čynoŭniki ŭ bližejšy čas naviedajuć niekalki krain, ź jakich pryjazdžajuć mihranty ŭ Biełaruś, ale nie nazvaŭ jakija mienavita.
«Uvohule, kali ludzi atrymlivajuć niejkuju infarmacyju nibyta z aficyjnaj krynicy, to jany schilnyja vieryć u jaje. Tamu dla nas važna nie tolki infarmavać pra heta krainy, adkul jeduć mihranty, ale i sprabavać davieści infarmacyju da ludziej. Časam navat orhany ŭłady ŭ hetych krainach nie viedajuć ab situacyi», — dadaŭ Stana.
Pavodle źviestak ŚMI, mihranty ŭ Biełaruś bolš za ŭsio prybyvajuć ź Iraka.
«Madel, pa jakoj režym Łukašenki pravodzić svaje dziejańni, prymušaje ludziej vieryć, što jany mohuć pryjechać u Biełaruś i dalej praciahnuć šlach u ES», — skazaŭ Stana.
Pamior paet Uładzimir Karyzna, aŭtar słoŭ da ciapierašniaha dziaržaŭnaha himna Biełarusi8
Pamior paet Uładzimir Karyzna, aŭtar słoŭ da ciapierašniaha dziaržaŭnaha himna Biełarusi
Viadomy partret Kahanca akazaŭsia savieckim fejkam, zatoje znajšłosia adzinaje fota archieołaha Tatura. Razhadanyja fotatajamnicy Biełaruskaha muzieja ŭ Vilni
Kamientary