U Słavakii ŭviedzieny žorstki dvuchtydniovy łakdaŭn navat dla pryščeplenych
Ułady Słavakii ličać krytyčnaj situacyju ŭ balnicach, a taksama toje, što kolkaść novych vypadkaŭ infikavańnia karanavirusam za sutki dasiahnuła maksimumu z pačatku pandemii.
U Słavakii z čaćviarha uviedzieny žorstki dvuchtydniovy łakdaŭn dla ŭsiaho nasielnictva, uklučajučy tych, chto pierachvareŭ na COVID-19 i pryščeplenych ad karanavirusa. U krainie začyniajucca ŭsie pradpryjemstvy hramadskaha charčavańnia, a taksama kramy, akramia tych, što handlujuć praduktami pieršaj nieabchodnaści, paviedamlaje Deutsche Welle.
Škoły pakul praciahnuć pracavać, ale pry ŭmovie rehularnaha testavańnia piedahohaŭ i navučencaŭ na kavid. Častka vučniaŭ budzie pieraviedzienaja na dystancyjnaje navučańnie.
Ludziam dazvolena pakidać svajo žyllo tolki dla pachodu ŭ najbližejšuju kramu, škołu, na pracu abo ŭ punkty vakcynacyi, testavańnia, a taksama dla atrymańnia miedycynskaj dapamohi. Vyhulvać sabak možna na adlehłaści nie bolš za 500 mietraŭ ad miesca pražyvańnia.
Urad abviaściŭ, što praz 10 dzion niekatoryja miery mohuć źmiakčyć dla vakcynavanych.
Adnačasova z łakdaŭnam urad Słavakii ŭvioŭ režym nadzvyčajnaha stanovišča terminam na 90 dzion, što dazvolić abmiežavać svabodu pieramiaščeńnia.
U krainie ŭvodzicca kamiendanckaja hadzina: ludziam zabaroniena vychodzić z domu z 01.00 da 05.00.
Akramia taho, zakon dazvalaje prymušać da pracy miedrabotnikaŭ biez ahladki na dziejučyja ŭ krainie normy pracoŭnaha zakanadaŭstva.
Miedyki mohuć być pakaranyja, kali admoviacca pracavać zvyšuročna ŭ klinikach, pierapoŭnienych kavidnymi pacyjentami, abo pierajści z adnoj balnicy ŭ inšuju.
Ciapier čytajuć
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata1111
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata11
Vajb-prahramavańnie źmienić rolu raspracoŭščyka, RLVR, i kali łopnie burbałka. Biełarus-inžynier u halinie ŠI, jaki pracuje ŭ ZŠA, raskazaŭ, što nas čakaje ŭ 202633
Kamientary