Dziaržsakratar ZŠA ličyć, što mihracyjny kryzis na miažy ź Biełaruśsiu i vajennaja pahroza ŭ dačynieńni da Ukrainy źviazanyja z «Paŭnočnym patokam — 2»
Dziaržsakratar ZŠA Entani Blinkien miarkuje, što ciapierašniaja situacyja vakoł Ukrainy, mihracyjny kryzis la hranic Biełarusi ź Jeŭrasajuzam, a taksama prajekt hazapravoda «Paŭnočny patok — 2» źviazanyja pamiž saboj. Takuju dumku joj vykazaŭ u časie vystupu ŭ piatnicu na anłajn-forumie Reuters Next, paviedamlaje TASS.
U Blinkiena spytali, ci ličyć jon «vajennuju pahrozu ŭ dačynieńni da Ukrainy», situacyju ź mihrantami na biełaruskaj miažy, a taksama «Paŭnočny patok — 2» «skaardynavanaj hieapalityčnaj stratehijaj» Maskvy, jakaja takim čynam nibyta moža akazvać cisk na Jeŭropu.
«Što ž, vierahodna, tak. Inšymi słovami, usie hetyja źjavy majuć miesca, i jany źviazanyja adna z adnoj», — adkazaŭ Blinkien.
«Toje, što my bačym u Biełarusi na miažy z tryma krainami, <…> i ŭ toj ža čas raście cisk na Ukrainu, a taksama, tak, enierhietyka taksama, asabliva napiaredadni zimy. Usio heta składvajecca razam», — skazaŭ jon.
Budaŭnictva «Paŭnočnaha patoku — 2» całkam zaviaršyłasia 10 vieraśnia 2021 hoda. Pieršapačatkova heta płanavałasia zrabić da kanca 2019 hoda, adnak praz sankcyi ZŠA praces zatarmaziŭsia. Rasijski bok nieadnarazova padkreślivaŭ, što hazapravod źjaŭlajecca vyklučna kamiercyjnym prajektam, jaki realizujecca sumiesna ź jeŭrapiejskimi partniorami.
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1515
Kamientary