Дзяржсакратар ЗША лічыць, што міграцыйны крызіс на мяжы з Беларуссю і ваенная пагроза ў дачыненні да Украіны звязаныя з «Паўночным патокам — 2»
Дзяржсакратар ЗША Энтані Блінкен мяркуе, што цяперашняя сітуацыя вакол Украіны, міграцыйны крызіс ля граніц Беларусі з Еўрасаюзам, а таксама праект газаправода «Паўночны паток — 2» звязаныя паміж сабой. Такую думку ёй выказаў у часе выступу ў пятніцу на анлайн-форуме Reuters Next, паведамляе ТАСС.
У Блінкена спыталі, ці лічыць ён «ваенную пагрозу ў дачыненні да Украіны», сітуацыю з мігрантамі на беларускай мяжы, а таксама «Паўночны паток — 2» «скаардынаванай геапалітычнай стратэгіяй» Масквы, якая такім чынам нібыта можа аказваць ціск на Еўропу.
«Што ж, верагодна, так. Іншымі словамі, усе гэтыя з'явы маюць месца, і яны звязаныя адна з адной», — адказаў Блінкен.
«Тое, што мы бачым у Беларусі на мяжы з трыма краінамі, <…> і ў той жа час расце ціск на Украіну, а таксама, так, энергетыка таксама, асабліва напярэдадні зімы. Усё гэта складваецца разам», — сказаў ён.
Будаўніцтва «Паўночнага патоку — 2» цалкам завяршылася 10 верасня 2021 года. Першапачаткова гэта планавалася зрабіць да канца 2019 года, аднак праз санкцыі ЗША працэс затармазіўся. Расійскі бок неаднаразова падкрэсліваў, што газаправод з'яўляецца выключна камерцыйным праектам, які рэалізуецца сумесна з еўрапейскімі партнёрамі.
-
У Літве перахапілі партыю кантрабандных цыгарэт, якія скінулі ў снег з цягніка
-
Навальнага атруцілі ў калоніі рэчывам эпібатыдзін — яд эквадорскай жабы. Гэта змаглі выявіць, дзякуючы біяматэрыялам, вывезеным сям'ёю
-
Зеленскі: Ва Украіне пасля расійскіх удараў не засталося ніводнай цалкам ацалелай электрастанцыі
Цяпер чытаюць
У пачатку 2000‑х трое настаўнікаў гісторыі збеглі ва Украіну ад «генацыду беларускага народа», які чыніў рэжым Лукашэнкі. Як склаўся іх лёс?11
Каментары