Niervovaja reakcyja. ŚMI zaŭvažyli, što piensii ŭ Minsku krychu ŭpali. Minharvykankam chutka adreahavaŭ — statystyku z sajta prybrali
Najbujniejšy partał, pryznany biełaruskimi ŭładami ekstremisckim, źviarnuŭ uvahu na statystyku pa piensijach u Minsku. Ličby byli pryviedzienyja na sajcie kamiteta pa pracy, zaniataści i saczabieśpiačeńniu Minskaha harvykankama.
Žurnalisty zaŭvažyli, što niekatoryja vidy piensij źmienšylisia, naprykład, vypłaty pa invalidnaści ŭ vyniku katastrofy na ČAES stali na 7,44 rubla mienšymi, čym na 1 vieraśnia.
Praź niekalki hadzin artykułam adkazała ahienctva «Minsk-Naviny», zasnavalnikam jakoha źjaŭlajecca Minharvykankam.
U artykule nie asprečvajecca statystyka (jana ž aficyjnaja), ale tłumačycca, jakim čynam źnizilisia piensii. Kali pamiraje ci źjazdžaje piensijanier z bolš vysokaj piensijaj, to i siaredniaja piensija padaje. Śpiecyjalisty pryvodziać taki prykład:
«Na paviersie žyvuć try susiedy-piensijaniery. Adzin ź ich atrymlivaje, umoŭna kažučy, 300 rubloŭ, inšy — 500 rubloŭ, treci — 700 rubloŭ. Siaredniaja ich piensija roŭnaja 500 rublam. Ale kali zaŭtra toj, chto atrymlivaje 700 rubloŭ, zachoča pierajechać, naprykład, da syna ŭ Rasiju, to siaredniaja piensija dla dvaich astatnich susiedziaŭ składzie 400 rubloŭ. Vypłaty zastalisia na tym ža ŭzroŭni, nichto nie ŭščemleny ŭ pravach, a statystyka źmianiłasia».
Ale samaje cikavaje nie heta. Paśla publikacyi tłumačeńnia statystyka pa piensijach z sajta minharvykankama zusim źnikła.
Pierad hetym sajt pierastaŭ publikavać danyja pa kolkaści piensijanieraŭ u Minsku. Za studzień-žnivień 2021 hoda ich u stalicy stała na 8,5 tysiačy mienš.
Dumajecie, kolkaść piensijanieraŭ u Biełarusi raście? Jana žachliva padaje
Siaredniaja piensija ŭ Polščy bolšaja za siaredni zarobak u Biełarusi. Mała taho, tam jašče vypłačvajuć i 13-ju piensiju
ANT: «Samyja biednyja piensijaniery žyvuć u krainach Bałtyi». Ale nie paraŭnała pamier ich piensij ź biełaruskimi
Letaś upieršyniu z 1939 hoda skaraciłasia nasielnictva Minska. Kali nie ličyć vajny, kaniečnie
Ciapier čytajuć
«Ludziej prymušali dumać, što ničoha nikoli nie źmienicca». Chto taki antykamunist Łasła Krasnaharkai, jaki atrymaŭ Nobieleŭskuju premiju pa litaratury?99
Kamientary