Letaś upieršyniu z 1939 hoda skaraciłasia nasielnictva Minska. Kali nie ličyć vajny, kaniečnie
Nasielnictva Biełarusi ŭ apošni čas ustojliva skaračałasia z 1994 hoda. Ale stalica krainy tak ža ŭparta pryrastała novymi žycharami. A voś u 2020 hodzie nasielnictva Minska raptoŭna źmienšyłasia. Takija danyja davodzić Biełstat.
Tak, na kaniec 2018 hoda ŭ Minsku pražyvała 2 012 896 čałaviek,
na kaniec 2019 hoda — 2 020 133 (+7 237),
na kaniec 2020 hoda — 2 009 786 (-10 347).
Źmianšeńnie kolkaści nasielnictva Minska adbyłosia ŭpieršyniu z 1939 hoda. Zrazumieła, kali nie ličyć časoŭ Vialikaj Ajčynnaj vajny. Chacia danyja z 1941 pa 1950 hady Biełstat i nie pryvodzić.
Aficyjnyja ŭłady nijak nie kamientujuć hetu zjavu. I naohuł nie zhadvali pra heta.
Hałoŭnaje, što my viedajem pra 2020 hod — karanavirus i vybary-2020, z usimi nastupstvami.
Kamientary