Ryhor Kastusioŭ i jašče piać čałaviek pryznanyja palitviaźniami
Usiaho palityčnych źniavolenych u Biełarusi stała 933.
Jašče šeść čałaviek u Biełarusi pryznanyja pravaabarončaj supolnaściu palitviaźniami, paviedamlaje «Viasna».
Heta palityk, kiraŭnik partyi BNF Ryhor Kastusioŭ, a taksama Siarhiej Pietrušenka, Andrej Harun, Taćciana Karpovič, Rusłan Kuźmič i Andrej Aŭsijevič.
Siarhieja Pietrušenku abvinavacili pavodle art. 130, 352 KK («Naŭmysnyja dziejańni, nakiravanyja na raspalvańnie inšaj sacyjalnaj varožaści i varažniečy pa prykmiecie inšaj sacyjalnaj prynaležnaści, ździejśnienyja hrupaj asobaŭ dy inš.») za pieradaču danych pradstaŭnikoŭ siłavych viedamstvaŭ telehram-kanału. Jon znachodzicca pad vartaj z červienia 2021 hoda.
Andreju Harunu inkryminavali č. 3 art. 130 KK za pieradaču ŭ telehram-kanał danych pradstaŭnikoŭ siłavych viedamstvaŭ.
Taćciana Karpovič zatrymanaja pa abvinavačvańni pavodle art. 130 KK, za pieradaču danych pradstaŭnikoŭ siłavych viedamstvaŭ i sudździaŭ.
Rusłan Kuźmič znachodzicca pad vartaj pa abvinavačvańni ŭ sadziejničańni ekstremisckaj dziejnaści pavodle č. 1 art. 361-4 za publikacyju kamientaryja pad zdymkam čałavieka sa zbrojaj u rukach.
Ryhor Kastusioŭ znachodzicca ŭ niavoli pa abvinavačvańni ŭ zmovie ci inšych dziejańniach, ździejśnienych z metaj zachopu dziaržaŭnaj ułady pavodle art. 357 KK. Kiraŭnik partyi BNF prachodzić pa kryminalnaj spravie razam z Alaksandram Fiadutam i Jurasiem Ziańkovičam.
Taksama viadoma pra asudžeńnie na zakrytym sudovym pasiadžeńni Andreja Aŭsijeviča pavodle art. 130 («Raspalvańnie varožaści»), art. 361 («Zakliki da dziejańniaŭ, nakiravanych na pryčynieńnie škody nacyjanalnaj biaśpiecy Respubliki Biełaruś»), art. 369 («Abraza pradstaŭnika ŭłady») KK za kamientaryi ŭ internecie da troch hadoŭ i šaści miesiacaŭ pazbaŭleńnia voli ŭ papraŭčaj kałonii.
U Minsku adbylisia masavyja zatrymańni vydaŭcoŭ i kniharaspaŭsiudnikaŭ33
Kamientary