Vierniki znoŭ mohuć naviedać Nacyjanalny sanktuaryj Maci Božaj Budsłaŭskaj. 31 śniežnia 2021 hoda ŭ Budsłavie prajšła Śviataja Imša ŭnutry kaścioła — jana nie pravodziłasia tut z taho času, jak budynak paciarpieŭ ad pažaru.
Kaścioł možna naviedać va ŭsie dni, akramia paniadziełka, z 10.00 da 17.00 hadzinaŭ. Śviataja imša pa budniach budzie ładzicca a 18-j hadzinie, pa subotach i niadziełach — a 12-aj hadzinie.
11 maja ŭ Budsłaŭskim kaściole zdaryŭsia mocny pažar, u vyniku jakoha ŭ chramie abvaliŭsia dach, a vada, što prymianiałasia pry tušeńni, paškodziła ścieny, padłohu i meblu. Kiraŭnictva Katalickaj carkvy ŭ Biełarusi nieadkładna źviarnułasia pa finansavuju dapamohu da ludziej.
Ludzi adhuknulisia i sabrali bolš za 1,1 miljona rubloŭ. Apošnija 3 tysiačy — na Kaladnym kirmašy, jaki prajšoŭ u minskim kaściole Śviatoha Rocha niekalki dzion tamu.
Taksama šmatlikija vałanciory dapamahali ŭ razbory paślapažarnych zavałaŭ i padčas budaŭničych rabot.
Kamientary