Northvolt: Šviedy pabudavali hihanckuju vytvorčaść batarej dla elektramabilaŭ
Kampanija, zasnavanaja ŭ 2015 hodzie dvuma vychadcami z Tesla, u śniežni 2021 hodu vypuściła pieršuju batareju na «hihazavodzie» na poŭnačy Šviecyi. Heta pieršaje takoje inavacyjnaje pradpryjemstva na Starym kantyniencie, piša francuzskaje vydańnie «Mond».
Dziesiać hadoŭ tamu budučynia horada Šeleftea (Skellefteå) vyhladała zmročnaj. U horadzie z nasielnictvam 71 500 žycharoŭ za 800 km na poŭnač ad stalicy Stakholma, začyniłasia bolšaść šacht. A ŭ tych šachtach, što da hetaha času zdabyvajuć minierały, zamianili ludziej mašynami. U pošukach śvietłaj budučyni ludzi skiroŭvalisia na poŭdzień.
U 2015 hodzie municypalitet pastaviŭ pierad saboj metu pavialičyć nasielnictva 80 000 žycharoŭ da 2030 hodu. «Ale my viedali, što heta budzie vielmi ciažka», — pryznaje dyrektarka municypalnych słužbaŭ Kryścina Sundzin Jonsan.
Ale zdaryŭsia cud. Uvosień 2017 hodu, kali kampanija Northvolt, stvoranaja dvuma hadami raniej u Stakholmie, siarod 40 šviedskich municypalitetaŭ dla raźmiaščeńnia svajho «Hihazavoda» batarej dla elektramabilaŭ vybrała Šeleftea.
Spačatku miascovyja žychary nie vieryli ŭ realistyčnaść zadumy. Haru ź vidam na budaŭničuju placoŭku na ŭschodzie horada nazvali «haroj skieptykaŭ» — žychary ź jaje sačyli za chodam prac. Spačatku daviałosia śpiłavać drevy na płoščy roŭnaj pamieru 280 futbolnych paloŭ, potym z vykarystańniem vybuchoŭki vyraŭnavali łandšaft. I narešcie 15 kastryčnika 2019 hoda pačałosia budaŭnictva budynkaŭ.
I voś prajšło ŭsiaho dva hady, i z kanviejera zavoda ŭžo vychodziać pieršyja akumulatarnyja elemienty pamieram z VHS-kasietu.
Na pieršym etapie šviedskaja hrupa maje vyrablać batarei dla 300 000 elektramabilaŭ štohod. U 2023 hodzie abjom vytvorčaści vyraście ŭdvaja, a praź niekalki hadoŭ dasiahnie 60 HVt·h, što dastatkova dla miljona elektramabilaŭ štohod. Heta zrobić Northvolt najbujniejšym u Jeŭropie zavodam pa vytvorčaści akumulataraŭ. U śpis klijentaŭ zavoda ŭvachodziać Volkswagen, BMW, Scania i Volvo.
Ciapier čytajuć
Radyjoviadučy raskazaŭ pra ŭnutranuju kuchniu ANT — i pra toje, jak pieratvaryŭsia ŭ palitviaźnia3
Kamientary