Rabotnik zavoda ŭ Minsku skraŭ u kalehi hrošy i jašče miesiac charčavaŭsia za jaho košt u stałoŭcy
Buduć sudzić 26-hadovaha žychara Kleckaha rajona, jaki na praciahu miesiaca nabyvaŭ pradukty i charčavaŭsia ŭ zavodskaj stałovaj za košt kalehi.
Małady čałaviek pracavaŭ ślesaram-zborščykam bytavoj techniki na adnym sa staličnych zavodaŭ. Jon zaŭvažyŭ, što kaleha zachoŭvaje ŭ sumcy płastykavy propusk, z dapamohaj jakoha možna raźličvacca ŭ stałovaj, kramie i kafieteryi pradpryjemstva — u kancy kožnaha miesiaca patračanuju sumu zdymajuć z zarobku, paviedamlajuć Minsk-naviny.
Mužčyna nieprykmietna staŭ brać čužy propusk dla kupli praduktaŭ i apłaty abiedaŭ — na praciahu miesiaca ŭ jaho atrymałasia heta zrabić 17 razoŭ. Akramia taho, ślesar skraŭ z sumki tavaryša 150 rubloŭ. Zaŭvažyŭšy prapažu hrošaj, toj nie staŭ źviartacca ŭ milicyju, vyrašyŭšy samastojna vysačć złodzieja.
Nieŭzabavie jon staŭ padazravać, što chtości vykarystoŭvaje jaho propusk dla apłaty praduktaŭ i abiedaŭ. Mužčyna źviarnuŭsia ŭ buchhałteryju, ale tam tolki paćvierdzili infarmacyju. Propusk zabłakavali, a rabotnikaŭ kramy i stałovaj paprasili źviartać uvahu na fatahrafii na płastyku.
Nieŭzabavie złamyśnika zatrymali. Toj adpiracca nie staŭ i va ŭsim pryznaŭsia, paabiacaŭšy kalehu na praciahu dziesiaci dzien pakryć škodu, adnak hetaha tak i nie zrabiŭ. Tady paciarpieły źviarnuŭsia ŭ milicyju.
Nieŭzabavie maładoha čałavieka zvolnili za prahuł. Kala hoda jon chavaŭsia ad milicyi, byŭ abvieščany ŭ vyšuk, u vyniku jaho zatrymali.
Svaju vinu były zborščyk pryznaŭ całkam, suma naniesienaj škody skłała 230 rubloŭ.
Łukašenka pieraabuŭsia: Pozna ŭviečary Minsk pahruzili ŭ ciemru. Navošta? Ja ž ad vas hetaha nie patrabavaŭ20
Kamientary