Kijeŭ: Za kibieratakaj na Ukrainu stajać chakiery, źviazanyja z raźviedkaj Biełarusi
Namieśnik sakratara Rady nacyjanalnaj biaśpieki i abarony Siarhiej Dziemiadziuk zajaviŭ, što za maštabnaj kibieratakaj na Ukrainu staić chakierskaja hrupa, źviazanaja ź biełaruskaj raźviedkaj. Pa jaho słovach, biełaruskija chakiery vykarystoŭvali škodnasnaje prahramnaje zabieśpiačeńnie, padobnaje da taho, jakoje vykarystoŭvała hrupa, źviazanaja z raźviedkaj RF.
Pavodle jaho słoŭ, za chakierskuju ataku adkaznaja hrupa, viadomaja jak UNC1151. Jana była prykryćciom dla bolš razburalnych dziejańniaŭ za kulisami, piša RBK-Ukraina.
«Psavańnie sajtaŭ była tolki prykryćciom dla bolš razburalnych dziejańniaŭ, jakija adbyvalisia za kulisami i nastupstvy jakich my adčujem u najbližejšaj budučyni», — zajaviŭ Dziemiadziuk.
U noč na 14 studzienia była ździejśnienaja najbujniejšaja za čatyry hady kibierataka na Ukrainu, jana «pakłała» šerah uradavych sajtaŭ, a taksama partał dziaržaŭnych pasłuh «Dija».
Słužba biaśpieki Ukrainy zajaviła, što jość prykmiety datyčnaści śpiecsłužbaŭ Rasii da hetaj kibierataki.
«Bojciesia i čakajcie horšaha». Chakiery atakavali ŭkrainskija ŭradavyja sajty i partał dziaržpasłuh «Dija»
Ciapier čytajuć
Jak siońnia žyvuć Kuźniečyki, jakija amal dva hady chavalisia ŭ pasolstvie Šviecyi, kab nie trapić u kipciury siłavikoŭ?2
Kamientary