Prarasijskaja aktyvistka Mirsalimava patłumačyła, čamu nielha zabaraniać čytać «ekstremisckija» vydańni
U Rasii prapanavali karać za pošuk tak zvanych ekstremisckich materyjałaŭ, najpierš heta aznačaje — infarmacyi niezaležnych vydańniaŭ. Ruskamirnaja aktyvistka Elvira Mirsalimava na prykładzie Biełarusi raskazała, čamu heta nielha rabić.
Rasijskija ŭłady mohuć pryniać novy zakon, pavodle jakoha karystalniki internetu buduć pakarany navat za sprobu znajści zabaronienyja ŭładami materyjały abo za raspaŭsiudžvańnie infarmacyi pra VPN-servisy.
Mirsalimava napisała ŭ telehramie, što z hetaha vyjdzie.
«Pa-pieršaje, u nas niekatoryja miascovyja naviny možna daviedacca tolki z varožych resursaŭ, naprykład, pra zakryćcio čarhovaha zavoda ci kałhasa, pra prablemy ŭ niejkim horadzie abo nasielenym punkcie. Sprava ŭ tym, što biełprapahanda vielmi nie lubić aśviatlać usio prablemnaje i niepryvabnaje. Prablemy ŭ ich vykanańni — tolki ŭ Amierycy, na Zachadzie i ŭ Rasii. U Biełarusi i Kitai — «sacyjalistyčny raj», — tłumačyć Mirsalimava na biełaruskim dośviedzie.
Pa-druhoje, hety zakon lohka vykarystoŭvać dla źviadzieńnia asabistych rachunkaŭ, napisaŭšy danos.
I narešcie, zakon, kaža jana, budzie pracavać nie dla ŭsich adnolkava.
Naprykład, jakoha-niebudź čynoŭnika abo inšaha važnaha čałavieka prosta vietliva paprosiać vydalić zabaronienuju padpisku abo niezamazany łahatyp, a zvyčajnaha čałavieka ź nižejšaj kasty — i asudziać, i aštrafujuć, i pasadziać na «sutki». «A źvierchu dadatkova «ašlifujuć» jakim-niebudź Azaronkam, jaki vylje ŭ internecie i na telebačańni na ciabie viadro brudu i paklopu. Nu, i na pracu ŭ dziaržustanovu ŭžo nie voźmuć», — piša jana.
Jana raskazvaje, što jaje asudzili, dali štraf i adpravili na dvoje sutak u izalatar, jak palityčnuju (biez matraca ŭ lutym, biez prava na pieradaču, padsialiŭšy da vielmi śmiardziučaj pjantoski).
«A voś čynoŭnicu, u jakoj pilnyja hramadzianie znajšli niezamazanuju svastyku, nichto nie kranuŭ, tolki paprasili publikacyju vydalić», — piša jana.
U sakaviku 2024 hoda Elviru Mirsalimavu sudzili pa dvuch artykułach: prapahanda nacysckaj simvoliki (častka 1 artykuła 19.10 KaAP) i parušeńnie paradku arhanizacyi masavych mierapryjemstvaŭ (častka 1 artykuła 24.23 KaAP). Pa pieršym artykule Mirsalimava praviała dva dni ŭ izalatary. Aktyvistka reposnuła publikacyju Z-błohiera Uładlena Tatarskaha.
Ciapier čytajuć
«Biełarusy dastatkova mudryja, kab čakać». Sieviaryniec vystupiŭ u Vilni10
Kamientary
Dumać karystalnikam Jandeks-pošuku i Jandeks-braŭziera (jaki, jak Google Chrome, ź jakoha vyras, adsočvaje i ŭsie staronki, jakija naviedvajecie).
Kali ŭžo i patrebna dla čahości (naprykład, inšyja pošukaviki nie pracujuć), šukać praz VPN i biez aŭtaryzacyi ŭ Jandeks. Nie karystacca mabilnymi prahramami Jandeks.
A rieči pro kasty i raznyje nazvanija zvučat ot nieje liciemierno — nie prorośsijskije aktivisty po etoj staťje u nas połučili by riealnyje uhołovnyje sroki, i provieli by kuda bolšie vriemieni.