Pavodle aŭtaraŭ prapanovy, kuchnia — heta častka kultury i srodak prasoŭvańnia nacyjanalnych kaštoŭnaściaŭ, jakija ŭ vypadku zachodnich krain nie supadajuć z rasijskimi.
Partyja «Kamunisty Rasii» źbirajecca źviarnucca da premjer-ministra Michaiła Mišuścina z prapanovaj uvieści dadatkovy padatak na kafe i restarany, jakija prapanujuć stravy zamiežnaj kuchni. Pra heta paviedamiŭ staršynia partyi Siarhiej Malinkovič, piša «Astra».
Jon ličyć, što padatak pavinien tyčycca nie ŭsich ustanoŭ, a tolki tych, dzie padajuć ježu z krain, nastrojenych suprać Rasii.
Jon rastłumačyŭ, što kuchnia — heta častka kultury i srodak prasoŭvańnia nacyjanalnych kaštoŭnaściaŭ, jakija ŭ vypadku zachodnich krain nie supadajuć z rasijskimi.
Pavodle jaho zadumy, u pieršuju čarhu varta «dyskredytavać» restarany italjanskaj, francuzskaj, paŭdniovakarejskaj, japonskaj, ispanskaj i niamieckaj kuchni. Akramia taho, Malinkovič prapanavaŭ abmierkavać mahčymaść padatkaabkładańnia kafe, dzie padajuć azierbajdžanskija i tureckija stravy.
«Nielha čapać kitajskuju kuchniu — heta našy siabry. Akramia taho, łacinaamierykanskuju kuchniu, vjetnamskuju, biełaruskuju, uźbiekskuju, arabskuju, restarany paŭnočnakarejskaj kuchni. Što datyčycca padatku, dumaju, pavinna być uviedziena škała. Francyja, FRH, Italija, naprykład, aktyŭna vystupajuć suprać nas. Japonija daŭno choča atrymać našy terytoryi. Tamu dla straŭ hetych krain pavinien być dadatkovy padatak u 12%. Što da astatnich — pakul možna pačać z 10%», — padsumavaŭ palityk.
Jon taksama zajaviŭ, što tradycyjnaja ruskaja kuchnia nibyta bolš karysnaja i lepš zasvojvajecca arhanizmam.
U śpisie krain, jakija Maskva ličyć niedružalubnymi, u ciapierašni čas značacca 49 dziaržaŭ. Siarod ich, u pryvatnaści, — krainy Jeŭraźviaza, za vyklučeńniem Słavakii i Vienhryi, a taksama ZŠA, Japonija, Vialikabrytanija, Aŭstralija, Ukraina, Šviejcaryja i Čarnahoryja.
Na naradzie ŭ Łukašenki publična pasvarylisia čynoŭniki. Jon nie viedaŭ, kaho padtrymać15
Kamientary