Krynicy: u Armienii pa zapycie Biełarusi aryštavali dvuch supracoŭnikaŭ štaba Cichanoŭskaj, ad vydačy ich vyratavali ZŠA
Jak stała viadoma «Našaj Nivie», u minułym hodzie ŭ Armienii aryštavali dvuch supracoŭnikaŭ štaba Śviatłany Cichanoŭskaj. Jany pryjechali ŭ krainu na sustreču. Pryčyna aryštu — zapyt biełaruskaha boku ab tym, što ich nibyta padazrajuć u złačynstvach. Nahadajem, Armienija kraina-ŭdzielnica ADKB i palityčny sajuźnik Maskvy.
«Armienija hatovaja była vydać biełarusaŭ u Minsk, ale na etapie arhanizacyi i afarmleńnia ekstradycyi ŭ praces umiašalisia ZŠA, — kaža naša krynica. — Amierykancy nibyta dypłamatyčnymi sposabami daviali armianam, što kali vydača palityčnych uciekačoŭ adbudziecca, dla Jerevana buduć niehatyŭnyja nastupstvy. U vyniku biełarusaŭ adpuścili».
Pres-sakratarka Śviatłany Cichanoŭskaj Hanna Krasulina, da jakoj «Naša Niva» źviarnułasia pa kamientaryj, adznačyła, što nie vałodaje infarmacyjaj pra zatrymańnie supracoŭnikaŭ štaba.
U 2020-m hodzie Hienieralnaja prakuratura nakiravała krainam SND bolš za 4800 zvarotaŭ ab akazańni pravavoj dapamohi, heta amal udva bolš, čym u 2019-m.
Taksama u 2020-m i 2021-m hadach istotna pavialičyłasia kolkaść zapytaŭ Hienprakuratury praź interpał. Ličby viedamstva nie pradastaŭlaje, adnak chakiery apublikavali ŭ siecivie razmovy pradstaŭnikoŭ prakuratury i biełaruskaha biuro interpału, ź jakich vynikaje, što nakiravana pad tysiaču zapytaŭ z adnatypnaj fabułaj: abvinavačvańni pa spravach, źviazanych z palityčnaj pazicyjaj hramadzian.
Pry hetym na zapisie ahučvalisia skarhi, što ŭ suviazi sa złoŭžyvańniami biełaruskaha boku, interpał časta nie prymaje matyvacyjnyja častki MUS dla ŭklučeńnia biełarusaŭ z palityčnymi artykułami ŭ hetak zvany «čyrvony list».
Viadoma, što da taho biełarusaŭ pa palityčnych zapytach nieadnarazova zatrymlivali ŭ Rasii z nastupnaj vydačaj u Minsk. Takija zatrymańni byli i ŭ krainach ES: naprykład, Polščy i Vienhryi. Adnak Jeŭrasajuz prymaŭ rašeńnie nie vydavać biełarusaŭ.
Čytajcie taksama:
Interpał nie budzie vykarystoŭvać svaje kanały dla mižnarodnaha vyšuku Śviatłany Cichanoŭskaj
Za hod kolkaść zapytaŭ Hienprakuratury ab mižnarodnaj pravavoj dapamozie vyrasła amal u dva razy
«Vy chacieli, kab tam adny durni pracavali?» Jak biełaruskija siłaviki sprabujuć padmanuć Interpał
Ad pryvatnikaŭ patrabujuć zavieści ideołaha ŭ štacie — raspytali, što robiać kampanii18
Kamientary