Minčuku dali try hady «chimii» za ŭdzieł u dvuch maršach u žniŭni 2020 hoda
U sudzie Leninskaha rajona Minska da troch hadoŭ «chimii» za ŭdzieł u pratestach 2020 hoda asudzili 36-hadovaha minčuka Alaksieja Łaŭskaha. Taki prysud vyniesła sudździa Anastasija Ačałava, paviedamlajuć pravaabaroncy.
Za ŭdzieł u dvuch Maršach 23 i 30 žniŭnia 2020 hoda jaho abvinavacili ŭ aktyŭnym udziele ŭ dziejańniach, jakija hruba parušajuć hramadski paradak, pavodle č. 1 art. 342 Kryminalnaha kodeksa.
Pavodle abvinavačvańnia, Łaŭski, «23 žniŭnia 2020 hoda nie raniej za 13 hadzin 52 chviliny prybyŭ da d. 79 pa praśpiekcie Niezaležnaści ŭ Minsku, ź niavyznačanymi asobami kałonaj prajšoŭ pa praśpiekcie Niezaležnaści da d. 1 na vuł. Śviardłova ŭ Minsku, paśla čaho pajšoŭ pa pr. Niezaležnaści da skryžavańnia pr. Pieramožcaŭ i vuł. Mielnikajcie, dzie z metaj publičnaha vykazvańnia niezakonnymi sposabami svaich hramadska-palityčnych pohladaŭ i pratestu, viadzieńnia destruktyŭnaj dziejnaści, uziaŭ aktyŭny ŭdzieł u hrupavych dziejańniach, jakija hruba parušajuć hramadski paradak i spałučanyja ź vidavočnym niepadparadkavańniem zakonnym patrabavańniam pradstaŭnikoŭ ułady, — supracoŭnikaŭ AUS, i jakija paciahnuli parušeńnie pracy transpartu i pradpryjemstvaŭ, dałučyŭsia da hrupy hramadzian, jakija ŭdzielničali ŭ hetych supraćpraŭnych dziejańniach».
Taksama namieśnik prakurora Minska zajaviŭ isk u intaresach «Minsktransa» ŭ pamiery 13 419 rubloŭ 87 kapiejek.
Dokazami pa spravie vystupali fota i videa z telefonaŭ i noŭtbuka Łaŭskaha.
Akramia taho, niekatoryja zdymki Alaksiej apublikavaŭ u Instahramie, što taksama pasłužyła na sudzie dokazam jaho viny.
Ciapier čytajuć
Prosty biełarus ździviŭ ludziej, kali ŭ Hiermanii pryznavaŭsia ŭ lubovi da Łukašenki. Ale akazałasia, što jon niaprosty3
Kamientary