Ź listoŭ i malunkaŭ biełaruskaha palitviaźnia Alesia Puškina, jakija jon dasyłaje na volu, zrabili animacyjny film. Mastak znachodzicca za kratami z sakavika 2021 hoda, jaho kryminalnaja sprava ŭžo ŭ sudzie.
Režysior filma — Anton Hryškievič, zvolnieny z pracy ŭ Viciebskim dziaržaŭnym kaledžy kultury i mastactvaŭ za dałučeńnie da strajku, nahadvaje Biełaruskaja rada kultury. U filmie, akramia prac Puškina, jość i malunki mastački Lery Łazuk.
Historyja źniavoleńnia Alesia Puškina nastupnaja. Na vystavie ŭ Hrodnie, u pryvatnym Centry haradskoha žyćcia, demanstravaŭsia partret dziejača antysavieckaha padpolla Jaŭhiena Žychara aŭtarstva Alesia Puškina. Paśla taho, jak na vystavu źviarnuli ŭvahu dziaržSMI, Puškina abvinavavacili ŭ «raspalvańni rasavaj, nacyjanalnaj, relihijnaj albo inšaj sacyjalnaj varožaści» (art. 130, č. 3).
Mastak u toj čas byŭ va Ukrainie, ale viarnuŭsia dachaty, dzie i byŭ aryštavany. Z kanca sakavika jon znachodzicca za kratami.
Niadaŭna Hienprakuratura nakiravała ŭ sud kryminalnuju spravu ŭ dačynieńni da Alesia Puškina — jaho abvinavačvajuć u reabilitacyi nacyzmu i ździeku ź dziaržaŭnych simvałaŭ. Mastaku pahražaje da 12 hadoŭ turmy.
U źniavoleńni Puškin nie tolki maluje, ale piša taksama vieršy i pjesy.
Zavieršanaje rasśledavańnie kryminalnaj spravy ŭ dačynieńni da Alesia Puškina. Jamu inkryminujuć reabilitacyju nacyzmu
Mastak Aleś Puškin admoviŭsia pisać prašeńnie ab pamiłavańni
Ciapier čytajuć
Babaryka zajaviŭ pra viartańnie ŭ palityku i nazvaŭ vinavataha ŭ tym, što źmieny nie adbylisia ŭ 2020-m2
Babaryka zajaviŭ pra viartańnie ŭ palityku i nazvaŭ vinavataha ŭ tym, što źmieny nie adbylisia ŭ 2020-m
Dzieci źlizvali z brudnaj padłohi pralitaje małako. Jakoj pabačyŭ zamiežnik Biełaruś, spustošanuju rasijskimi i šviedskimi vojskami ŭ čas Paŭnočnaj vajny1111
Kamientary