Dziaciej abaviažuć vučycca ŭ škole 11 hod. Łukašenka padpisaŭ kodeks ab adukacyi, raskazvajem, što źmienicca
Školnikaŭ abaviažuć zakančvać 11 kłasaŭ, a paśla zdavać centralizavany ekzamien. Ilhoty pry pastupleńni atrymajuć vypuskniki vajskova-patryjatyčnych kłasaŭ, a taksama dzieci siłavikoŭ, jakija zahinuli ci stali invalidami pry vykanańni słužbovaha doŭhu. Kodeks ustupić u siłu z 2023 hoda.
U kodeksie zamacavanyja nastupnyja rečy:
— U novaj redakcyi Kodeksa praduhledžvajecca ŭsieahulnaje atrymańnie ahulnaj siaredniaj adukacyi (ciapier — ahulnaja bazavaja adukacyja), praviadzieńnie vynikovaj atestacyi pa zaviaršeńni ahulnaj siaredniaj adukacyi pa asobnych vučebnych pradmietach u vyhladzie centralizavanaha ekzamiena. Paradak jaho praviadzieńnia budzie zaćvierdžany Ministerstvam adukacyi.
— Pašyrajecca śfiera prymianieńnia metavaj padrychtoŭki dla arhanizacyj, raźmieščanych nie tolki ŭ małych nasielenych punktach i na zabrudžanych terytoryjach, ale i ŭ inšych nasielenych punktach, praduhledžvajecca funkcyjanavańnie na ŭzroŭni prafiesijna-techničnaj i siaredniaj śpiecyjalnaj adukacyi kaledžaŭ, na ŭzroŭni vyšejšaj adukacyi: univiersitetaŭ, akademij i instytutaŭ.
— Dystancyjnaje navučańnie ŭ Kodeksie zamacoŭvajecca jak samastojnaja forma atrymańnia adukacyi, ustaloŭvajecca mahčymaść realizacyi adukacyjnych prahram z dapamohaj sietkavaj formy ŭzajemadziejańnia pamiž ustanovami adukacyi.
— Pa asobnych techničnych i miedycynskich śpiecyjalnaściach ŭvodzicca śpiecyjalnaja vyšejšaja adukacyja.
Taksama buduć kłasy spartyŭna-piedahahičnaj i vajenna-patryjatyčnaj skiravanaści, a taksama pradastaŭlajucca lhoty dzieciam vajennasłužačych, supracoŭnikaŭ orhanaŭ unutranych spraŭ, zahinułych (pamierłych) abo staŭšych invalidami pry vykanańni słužbovych abaviazkaŭ, asobam, jakija zdali adziny dziaržaŭny ekzamien u Rasii (pry pastupleńni na płatnuju formu navučańnia).
— Źjaŭlajecca novy vid dadatkovaj adukacyi: adoranych dziaciej i moładzi na bazie Nacyjanalnaha dziciačaha technaparku.
-
Ź Biełarusi ŭ Rasiju sprabavali niezakonna vyvieźci pad tonu rahoŭ
-
Na zapraŭcy pad Minskam kavu nalivaje robat-barysta. Nakolki heta zručna?
-
«Nie zabirajcie ŭ dziaciej sa śmiarotnym dyjahnazam apošniaje!» Blizkija chvorych na rak dziaciej źviarnulisia da Łukašenki z prośbaj nie źniščać fond «KinderVita»
Aryštavany 75‑hadovy Źmicier Sańko — vieteran-vydaviec3
Kamientary