Jahor Lebiadok: Usio bolš zaŭvažnaja sproba adnavić vobraz Łukašenki jak žychara nieba, a nie radavoha čynoŭnika
Jak prapahanda pierajšła da stvareńnia kultu asoby Alaksandra Łukašenki, piša u Facebook vajskovy ekśpiert Jahor Lebiadok. Pryvodzim jaho dopis.
Siońnia adzin prapahandyst zadaŭsia «čaćviortym» pytańniem: «Ci vartyja my takoha lidara, jak Alaksandr Łukašenka?»
Nu, kali jon pad «my» mieŭ na ŭvazie kamandu prapahandystaŭ i adeptaŭ, to dobra. A kali narod (što chutčej za ŭsio, bo jak vyśvietliłasia ź jaho pramovy, narodu treba dziakavać bohu za 1994 hod), to rekamienduju čytačam troški pahuhlić, u jakoj krainie i kali padobnyja słovy hučali ŭ dačynieńni da «lidara» i naroda, jaki akazauŭsia niedastojnym i moža pamierci.
Nie lanujeciesia, pahuhlicie, bo hety hod — hod histaryčnaj pamiaci. I jana nam patrebnaja ciapier usio bolš!
Nu i ciapier usio bolš zaŭvažnaja sproba adnavić vobraz A. Łukašenki jak žychara nieba, a nie radavoha čynoŭnika.
Vobraz jaho byŭ zrynuty ŭ 2020 hodzie navat siarod adeptaŭ (i «sychodź» u tvar na MZKC, i pra śmierć zahavaryŭ, i inšyja jaho ž zajavy i dziejańni).
Z pačatku 2021 hoda farmavali prosta imidž «zachavaŭ krainu» i maŭlaŭ, davajcie pieravierniem staronku.
U apošni čas — pierachod na kult asoby: zajavy vajskoŭcaŭ, u kožnym ź jakich zhadka, pierachod ad dastatkovaści niepraciŭleńnia da poŭnaj łajalnaści, jakaja ŭpirajecca ŭsiaho tolki ŭ asobu, «mierč pieršaha», i h. d.
A adsutnaść mižnarodnaha pryznańnia i kantaktaŭ, pierachod ad źniešniaj vajenna-palityčnaj samastojnaści pad patranaž RF, vidavočny navat viertykali ŭłady, buduć stymulavać jašče bolšuju napampoŭku vobraza jak ratavalnika ad pahroz, jakija stvarajuć usie vakoł, tamu, maŭlaŭ, i niama kantaktaŭ mižnarodnych, a taksama jak asoby, ad jakoj zaležyć usio ščaście biełarusaŭ, i inšaha być nie moža ŭ pryncypie.
Da masavaha aficyjozu ź mitynhami z partretami, jak pry Saso Džuhašvili, chutčej za ŭsio, nie dojdzie — prablema i nabrać takija mitynhi, i ŭžo zanadta vidavočnym stanie, kudy kocimsia (choć nie ździŭlusia, kali da leta heta budzie),
ale napampoŭvać buduć — va ŭstanovach adukacyi, roznych arhanizacyjach, nu i TB, naturalna.
Viadomy vajskovy ahladalnik Jahor Lebiadok šukaje pracu. Minułuju jon straciŭ paśla paskvila Mukavozčyka
-
Nijakaha źmiakčeńnia sankcyj, pakul Biełaruś ruchajecca ŭ bok tatalitaryzmu
-
Dziadok patłumačyŭ, čamu vyzvalili mienavita tych palitviaźniaŭ, kaho vyzvalili
-
«Aburaje nie toje, što Mierkiel chacieła damaŭlacca z Pucinym u 2021-m, a toje, što ŭ 2025‑m nie choča pryznać: damaŭlacca ź im nie było pra što»
Ciapier čytajuć
«Ludziej prymušali dumać, što ničoha nikoli nie źmienicca». Chto taki antykamunist Łasła Krasnaharkai, jaki atrymaŭ Nobieleŭskuju premiju pa litaratury?99
Kamientary