U pieršaj bijatłonnaj honcy na Alimpijadzie biełaruskaja źmiašanaja estafieta zaniała šostaje miesca
Na Alimpijskich hulniach u Piekinie prajšła pieršaja bijatłonnaja honka — źmiašanaja estafieta. Biełaruskaja čaćviorka (2 mužčyny i 2 žančyny) pa vyniku stała šostaj.
Na pieršy etap ź Biełarusi vyjšła Dzinara Alimbiekava. Joj udałosia abmiežavacca adnym dadatkovym patronam jak pry stralbie ležačy, tak i na stojcy. Estafietu Hańnie Soła jana pieradała treciaj z adstavańniem u 31,2 siekundy ad lidaraŭ z Narviehii.
U Soła etap nie atrymaŭsia: na svajoj pieršaj stralbie jana skarystała maksimalnyja vosiem patronaŭ, choć usio ž abyšłasia biez štrafnoha kruha i zachavała treciuju pazicyju. Ale na stojcy Soła pravaliłasia — zakryła tolki try mišeni i zajšła na dva štrafnyja kruhi.
Mikitu Łabastavu Soła pieradała šostaj za 53,4 siekundy ad lidaraŭ, francuzaŭ. Łabastaŭ svoj etap prajšoŭ dobra: adstralaŭsia absalutna čysta ležačy i skarystaŭ dva zapasnyja patrony na stojcy. Ale estafietu jon pieradaŭ Antonu Smolskamu na toj ža šostaj pazicyi.
U Smolskaha asablivych šancaŭ ad pačatku nie było: jon moh padniacca da miedaloŭ tolki pry maksimalna čystaj stralbie abo vialikim šancavańni. Stralaŭ nie vielmi dobra: skarystaŭ pa dva dadatkovyja patrony na kožnym z rubiažoŭ. Kančatkovy vynik — toje ž šostaje miesca z adstavańniem ad lidaraŭ na 1 chvilinu 14,6 siekundy.
Za miedali zmahalisia pradstaŭniki Rasii, Francyi i Narviehii, i razborki išli da apošniaha. Na finišy Jochanes Bie prynios zołata Narviehii, a francuz Kinten Fijon-Mai adsunuŭ na treci radok rasijanina Eduarda Łatypava.
Ciapier čytajuć
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram13
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram
«Łukašenka pavinien panieści adkaznaść za saŭdzieł u rasijskaj ahresii». Ministr zamiežnych spraŭ Ukrainy raskazaŭ pra novuju palityku ŭ dačynieńni da Biełarusi2020
Kamientary