Furaj z polskimi numarami, jakaja źbiła siońnia mytnicu na «Kazłovičach», kiravaŭ 38-hadovy žychar Bresta
U dačynieńni da kiroŭcy, jaki ździejśniŭ najezd na supracoŭnika mytni na punkcie propusku «Kazłovičy», uzbudžanaja kryminalnaja sprava, paviedamlaje Śledčy kamitet.
Pa dadzienych śledstva, dniom 5 lutaha 38-hadovy žychar Bresta, kirujučy aŭtaciahnikom u składzie siedłavoha ciahača Volva z paŭpryčepam, pry ruchu pa terytoryi Mytnaha punkta propusku «Kazłovičy» ździejśniŭ najezd na 28-hadovuju supracoŭnicu mytnaj słužby. U vyniku DTZ žančyna pamierła na miescy.
Śledčymi byŭ praviedzieny ahlad miesca zdareńnia, dapytanyja padazravany i śviedki, pryznačanyja sudova-miedycynskaja i aŭtatechničnaja ekśpiertyzy.
U dačynieńni da kiroŭcy ŭzbudžanaja kryminalnaja sprava pa č. 2 art. 317 (parušeńnie praviłaŭ darožnaha ruchu, što paciahnuła pa nieaściarožnaści śmierć čałavieka) Kryminalnaha kodeksa Respubliki Biełaruś.
Čytajcie taksama:
Trahiedyja ŭ punkcie propusku «Kazłovičy»: mytnicu pierajechała fura
Ciapier čytajuć
Cichanoŭskaja: Dzieci nie pierajechali ŭ ZŠA, a prosta časova buduć z tatam dziela biaśpieki39
Kamientary