Фурай з польскімі нумарамі, якая збіла сёння мытніцу на «Казловічах», кіраваў 38-гадовы жыхар Брэста
У дачыненні да кіроўцы, які здзейсніў наезд на супрацоўніка мытні на пункце пропуску «Казловічы», узбуджаная крымінальная справа, паведамляе Следчы камітэт.

Па дадзеных следства, днём 5 лютага 38-гадовы жыхар Брэста, кіруючы аўтацягніком у складзе седлавога цягача Вольва з паўпрычэпам, пры руху па тэрыторыі Мытнага пункта пропуску «Казловічы» здзейсніў наезд на 28-гадовую супрацоўніцу мытнай службы. У выніку ДТЗ жанчына памерла на месцы.
Следчымі быў праведзены агляд месца здарэння, дапытаныя падазраваны і сведкі, прызначаныя судова-медыцынская і аўтатэхнічная экспертызы.
У дачыненні да кіроўцы ўзбуджаная крымінальная справа па ч. 2 арт. 317 (парушэнне правілаў дарожнага руху, што пацягнула па неасцярожнасці смерць чалавека) Крымінальнага кодэкса Рэспублікі Беларусь.
Каментары