MARH paviedamiŭ, chto parušaŭ praviły cenaŭtvareńnia i atrymaŭ vialikija štrafy. U śpis parušalnikaŭ trapili bujnyja sietki i pradaŭcy z Kamaroŭki, ich vyjavili padčas manitorynhu cenaŭ i pa navodkach ad hramadzian i jurydyčnych asob, piša Onliner.by.
U vyniku da administracyjnaj adkaznaści pryciahnuli kampanii «Jeŭrahandal», «Hrynroźnica», «Tytuń-Inviest», «Junifud», «Biełvilesden», «Fudłahistyk», «Zaryna», 12 słužbovych asob, jakija dapuścili parušeńni, a taksama indyvidualnych pradprymalnikaŭ, jakija handlavali płodaaharodninnaj pradukcyjaj na Kamaroŭcy.
MARH paličyŭ, što ŭ ahulnaj sumie pa hetych faktach ceny na harodninu byli zavyšanyja na 190,5 tysiačy rubloŭ. Pry hetym 11,6% — heta zavyšeńnie adpusknych cen aptovymi pastaŭščykami, 88,4% — pieravyšeńnie roźničnych cen.
Ekanamičny sud Minska ŭsim parušalnikam daŭ štrafy — treba vypłacić u dvuchrazovym pamiery roźnicu pamiž faktyčnaj vyručkaj i raźlikovaj vyručkaj, jakaja b atrymałasia, kali b hetyja tavary byli pradadzienyja pa ŭstanoŭlenych u adpaviednaści z zakanadaŭstvam cenach.
U studzieni 2022 hoda ŭ anałahičnych parušeńniach zapadozryli kampanii «Čystyja krynicy», «Navakolle», «Libretyk», «KvaliMOŁŁ». Materyjały adpraŭlenyja ŭ sud.
«Usiaho suma zavyšeńnia adpusknych i roźničnych cen, vyjaŭlenych z pačatku 2022 hoda, užo skłała 65 433,77 rubla», — padličyli ŭ MARH.
Ciapier čytajuć
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata1616
Kamientary