Minlashas prapanuje biełarusam dapamahčy prybrać zavały paśla ŭrahanu. Płacić abiacaje drovami sa źnižkaj
Ministerstva lasnoj haspadarki prapanavała biełarusam zabiaśpiečyć siabie drovami, dapamahajučy lashasam u naviadzieńni paradku. Pra heta havorycca ŭ paviedamleńni pres-słužby Minlashasa.
Paviedamlajecca, što ŭ studzieni ŭ Biełarusi z-za niepahadzi paciarpieła bolš za 19 tysiač hiektaraŭ lesu. Zaraz na paškodžanych učastkach nieabchodna prybrać zachłamlenaść. Pryčym rabić heta mohuć i zvyčajnyja hramadzianie.
Tym, chto hatovy ŭ hetym dapamahčy, treba źviarnucca ź piśmovaj zajavaj u laśnictva, a ŭ joj paznačyć pažadanuju kolkaść draŭniny. Za jaje daviadziecca zapłacić, ale košt budzie raźličvacca jak za draŭninu na korani.
Zatym laśnictva vydaść order na narychtoŭku droŭ i pakaža kankretny ŭčastak lesu dla narychtoŭki. Paśla abmieru nieabchodna źviarnucca da lasnoj achovy i padpisać dakumienty. Paśla taho drovy možna budzie zabrać.
Nahadajem, što pierad sioletnim aciaplalnym siezonam biełarusy, jakija karystajucca drovami dla aciapleńnia, mieli z zabieśpiačeńniem imi vialikija prablemy. Na ich byli i vysokija ceny, i drovy doŭha nie vypisvali i nie dastaŭlali.
Čytajcie taksama:
Ceny na draŭninu znoŭ zavobłačnyja. Novy skok
«Letaś płacili 150 rubloŭ, a ciapier — 360, dy jašče i čarha». Les daje rekordny prybytak, a prostyja biełarusy nie mohuć nabyć sabie drovy
Ciapier čytajuć
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata1111
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata11
Vajb-prahramavańnie źmienić rolu raspracoŭščyka, RLVR, i kali łopnie burbałka. Biełarus-inžynier u halinie ŠI, jaki pracuje ŭ ZŠA, raskazaŭ, što nas čakaje ŭ 202633
Kamientary