Spadnicy viartajucca ŭ trendy. Jakija musova mieć u šafie ŭ 2022 hodzie?
Dyzajniery daŭno nie nadavali šmat uvahi spadnicam, ale ciapier spadnicy znoŭ na podyumach i ŭ modnych kramach. Jak nie zhubicca siarod vialikaha vybaru? Voś try madeli spadnic, jakija ciapier abaviazkova treba mieć u šafie.
Spadnica-ałovak
Kłasika nikoli nie nadakučvaje, voś čamu spadnica-ałovak zastajecca modnaj užo šmat siezonaŭ. Dyzajniery lubiać jak minimalistyčnyja madeli, tak i spadnicy z rušami, składkami ci seksualnymi razrezami, piša lamoda.pl.
Kali vy žadajecie prademanstravać svaje nohi i jahadzicy — nie bojciesia nadzieć spadnicu-ałovak! Hetaja madel jak nijakaja inšaja padkreślivaje žanočyja formy, i ŭ joj vy zaŭsiody budziecie vyhladać stylna.
Spadnica-midzi
Nie abmiažoŭvajcie siabie tolki prostymi varyjantami, madelami adnaho koleru ci vyrablenymi z atłasu. Lepiej padrychtujcie siabie da poŭnaha šalenstva i maksimalizmu, bo ŭ bližejšy čas na vulicach źjaviacca spadnicy-midzi ŭ pryhožych kolerach i z efiektnymi ŭzorami.
Nie treba bajacca taksama madelaŭ u składkach ci ź jarkimi pryntami — usie spadnicy, trochi daŭžejšyja za kalena, ciapier sapraŭdny mast-chev. Možna nadzieć takuju spadnicu razam z kłasičnaj biełaj futbołkaj ci navat z prytalenym topam — atrymajecca vydatna!
Spadnica-mini
Mini viartajecca na podyumy. Jak tolki paciapleje, hetaja pravakacyjnaja madel dakładna budzie u centry ŭvahi. Spadnicy-mini dobra pasujuć da štodzionnych kamplektaŭ adzieńnia i robiać ich bolš spakuślivymi. Možacie nasić mini-spadnicy z kałhotkami z pryntami abo z vysokimi botami.
Čym niebiaśpiečnaja džynsavaja tkanina i jakija joj jość alternatyvy?
Nazvany top-8 trešu ŭ adzieńni 2021 hoda
-
Dyzajniery prapanujuć vychodzić zamuž u viasielnych šlopancach — takuju kalekcyju vypuścili ŭ Birkenstock
-
Palito za 790 rubloŭ ad biełaruskaha brenda chutka sapsavałasia. Klijentcy paraili zafarbavać paciortaści śpiecyjalnym markieram
-
«Bro, nie kuplaj sabie bulbiany miašok — idzi ŭ zału»: biełaruski viadučy TNT raskrytykavaŭ mužčynskija kaściumy oviersajz
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1515
Kamientary