Дызайнеры даўно не надавалі шмат увагі спадніцам, але цяпер спадніцы зноў на подыумах і ў модных крамах. Як не згубіцца сярод вялікага выбару? Вось тры мадэлі спадніц, якія цяпер абавязкова трэба мець у шафе.
Спадніца-аловак
Класіка ніколі не надакучвае, вось чаму спадніца-аловак застаецца моднай ужо шмат сезонаў. Дызайнеры любяць як мінімалістычныя мадэлі, так і спадніцы з рушамі, складкамі ці сэксуальнымі разрэзамі, піша lamoda.pl.
Калі вы жадаеце прадэманстраваць свае ногі і ягадзіцы — не бойцеся надзець спадніцу-аловак! Гэтая мадэль як ніякая іншая падкрэслівае жаночыя формы, і ў ёй вы заўсёды будзеце выглядаць стыльна.
Спадніца-мідзі
Не абмяжоўвайце сябе толькі простымі варыянтамі, мадэлямі аднаго колеру ці вырабленымі з атласу. Лепей падрыхтуйце сябе да поўнага шаленства і максімалізму, бо ў бліжэйшы час на вуліцах з’явяцца спадніцы-мідзі ў прыгожых колерах і з эфектнымі ўзорамі.
Не трэба баяцца таксама мадэляў у складках ці з яркімі прынтамі — усе спадніцы, трохі даўжэйшыя за калена, цяпер сапраўдны маст-хэв. Можна надзець такую спадніцу разам з класічнай белай футболкай ці нават з прыталеным топам — атрымаецца выдатна!
Спадніца-міні
Міні вяртаецца на подыумы. Як толькі пацяплее, гэтая правакацыйная мадэль дакладна будзе у цэнтры ўвагі. Спадніцы-міні добра пасуюць да штодзённых камплектаў адзення і робяць іх больш спакуслівымі. Можаце насіць міні-спадніцы з калготкамі з прынтамі або з высокімі ботамі.
Чым небяспечная джынсавая тканіна і якія ёй ёсць альтэрнатывы?
Названы топ-8 трэшу ў адзенні 2021 года
-
Дызайнеры прапануюць выходзіць замуж у вясельных шлёпанцах — такую калекцыю выпусцілі ў Birkenstock
-
Паліто за 790 рублёў ад беларускага брэнда хутка сапсавалася. Кліентцы параілі зафарбаваць пацёртасці спецыяльным маркерам
-
«Бро, не купляй сабе бульбяны мяшок — ідзі ў залу»: беларускі вядучы ТНТ раскрытыкаваў мужчынскія касцюмы оверсайз
Каментары