Hałoŭčanka: Pastaŭki kalijnych uhnajeńniaŭ praz Ukrainu praciahvajucca
Biełaruś praciahvaje pastaŭlać kalijnyja ŭhnajeńni praz Ukrainu. Ab hetym zajaviŭ premjer-ministr Raman Hałoŭčanka. Pa jaho słovach, pastaŭki iduć jak tranzitam, tak i ukrainskim spažyŭcam.
«Što tyčycca Ukrainy, nijakich prablem niama. Pastaŭki ŭhnajeńniaŭ praz Ukrainu jak ažyćciaŭlalisia, tak i ažyćciaŭlajucca. Bolš taho, ukrainski bok padaje sihnały pra zacikaŭlenaść u naroščvańni pieravałki praz svaje mahutnaści. Tamu tam, dzie heta nam zručna i vyhadna, my budziem heta rabić. Z ukrainskim bokam prablem nie adčuvajem. Nakolki ja viedaju, toj dakumient, pra jaki vy kažacie, heta dakumient (Ukrainskaj čyhunki), jaki tyčycca peŭnych vidaŭ pradukcyi «Biełaruśkalija», adpraŭnikom jakich źjaŭlajecca niepasredna sam «Biełaruśkalij», ale ŭ nas pracujuć inšyja ekśpiedytary i pieravoziać našy hruzy, jak ukrainskim spažyŭcam, tak i tranzitam praz terytoryju Ukrainy», — skazaŭ jon padčas naviedvańnia «Hrodna Azot».
«Jašče raz padkreślu, što navat kantrolnaje viedamstva Złučanych Štataŭ Amieryki aficyjna tłumačyła litoŭskamu boku, što sankcyi, jakija ŭviedzienyja ŭ dačynieńni da «Biełaruśkalija», nie raspaŭsiudžvajucca na tranzit biełaruskich hruzaŭ praz terytoryju inšych krain, kali ŭ hetym nie ŭdzielničajuć amierykanskija jurydyčnyja i fizičnyja asoby. Ja dumaju, što va Ukrainie dastatkova razumnych ludziej, jakija razumiejuć vyhady dla ekanomiki, dla svajho naroda», — dadaŭ Hałoŭčanka.
Ciapier čytajuć
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram17
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram
«Łukašenka pavinien panieści adkaznaść za saŭdzieł u rasijskaj ahresii». Ministr zamiežnych spraŭ Ukrainy raskazaŭ pra novuju palityku ŭ dačynieńni da Biełarusi2525
Kamientary