Padčas rekanstrukcyi kinateatra «Pieramoha» niespadziavana znajšli karcinu
U Minsku pačałasia rekanstrukcyja kinateatra «Pieramoha», pabudavanaha ŭ siaredzinie XX stahodździa. Na pracy adviedziena 17 miesiacaŭ. Padčas demantažu adnoj ź pieraharodak pad hipsakardonam vyjavili karcinu, piša reform.by.
Zaprošanym na miesca śpiecyjalistam treba vyśvietlić, ci ŭjaŭlaje malunak mastackuju kaštoŭnaść.
Što heta za karcina, nieŭzabavie vyśvietliłasia. Jak uzhadaŭ mastak Andrej Zadoryn, zakaz na hetuju vyjavu ŭ 1990 hodzie atrymali čatyry mastaki — jon, Vasil Baranaŭ, Viačasłaŭ Lamačka i Raman Zasłonaŭ. Apošni ŭ rośpisie nie ŭdzielničaŭ, ale jaho imia ŭsio adno ŭviekaviečyli (proźviščy vybityja pad rośpisam).
Pa infarmacyi Zadoryna, fresku ŭ svoj čas prybrali «pa patrabavańni vieteranaŭ».
Padčas rekanstrukcyi ŭ budynku kinateatra źbirajucca pravieści i ŭnutranuju pierapłaniroŭku. Choł kinateatra čakaje restaŭracyja: adnoviać paŭkruhłyja freski pad sklapieńniami, masiŭnyja dźviarnyja kanstrukcyi, lapny dekor na kałonach i karnizach, vialikija lustry. Restaŭracyjnyja raboty vykanajuć taksama na fasadzie budynka.
Raboty pa rekanstrukcyi vykonvaje SU-3. Śpiecyjalisty ŭžo prystupili da demantažnych rabot — razabrali pieraharodki, padłohavyja pakryćci i ściažki, padviasnyja stoli, źbivajecca plitka sa ścien.
«Šynvize — končany sadyst». Adzin z adyjoznych načalnikaŭ kałonii Babrujska pierabraŭsia ŭ Hiermaniju28
Kamientary