Pucin zajaviŭ, što Rasija pryznała «DNR» i «ŁNR» u tych miežach, jakija vyznačanyja ŭ ich «kanstytucyjach»
Pavodle Pucina, Rasija pryznała «DNR» i «ŁNR» u tych miežach, jakija vyznačanyja ŭ ich «kanstytucyjach», to-bok u miežach Danieckaj i Łuhanskaj abłaściej Ukrainy. A heta značyć, što dźvie traciny terytoryi naležyć jašče ŭ skład hetych utvareńniaŭ «viarnuć», bo ich kantraluje Ukraina.
U toj ža čas Pucin admoviŭsia skazać, kali i jak rasijskija vojski źbirajucca ŭziać pad svoj kantrol terytoryi Danieckaj i Łuhanskaj abłaściej, jakija kantraluje Kijeŭ:
«Ja nie skazaŭ, što vojski pojduć u Danieck paśla našaj sustrečy tut».
A na pytańnie pra toje, jak daloka hatovyja zajści rasijskija vojski:
«Pradkazvać kankretnyja mahčymyja dziejańni niemahčyma, heta zaležyć ad situacyi».
Tamu całkam mahčyma, što pakul što Pucin zadavolicca tym, što jość, ale faktar terytoryj, jakija treba «viarnuć», budzie trymacca im u zapasie, kab u luby momant pad hetaj začepkaj abvastryć situacyju.
Čytajcie taksama:
Dzie projduć miežy «DNR» i «ŁNR»? I čamu heta važna?
Pradčuvańnie vajny i pieradziełu. Nie tolki z boku Rasii? — mierkavańnie
Ciapier čytajuć
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2929
Kamientary