U sabory Pravasłaŭnaj carkvy Ukrainy zatrymali dyviersantaŭ. Achviaraj moh stać mitrapalit Jepifanij
Achova Michajłaŭskaha Złatavierchaha manastyra, kafiedralnaha sabora Pravasłaŭnaj Carkvy Ukrainy, abiasškodziła dyviersijnuju hrupu, jakaja sprabavała prakraścisia na terytoryju. Taksama pobač z terytoryjaj vyjavili mietki.
Pra heta paviedamiŭ namieśnik kiraŭnika ŭpraŭleńnia źniešnich carkoŭnych suviaziaŭ PCU archijepiskap Jeŭstracij Zorja.
«Viadoma, što ŭ svajoj pramovie pierad pačatkam vajny Pucin adnoj z pretenzij da Ukrainy nazvaŭ isnavańnie tut niezaležnaj ad Rasii Carkvy. Taksama viadoma ad mižnarodnych partnioraŭ ab składzienych akupantami śpisach celaŭ ich teroru — lidaraŭ ukrainskaha hramadstva i dziaržavy.
Hetyja publičnyja paviedamleńni, a taksama infarmacyja, jakuju nielha ciapier apublikavać, atrymanyja ad ukrainskich i mižnarodnych krynic, dali padstavy abjektyŭna ličyć, što siarod celaŭ — pradstajaciel PCU», — zaznačyŭ Jeŭstracij.
«Mahu aficyjna zaśviedčyć, što pradstajaciel nie vyjazdžaŭ i nie źjedzie za miežy Ukrainy, sama dumka pra heta źjaŭlajecca absurdnaj», — dadaŭ jon.
Ad pryvatnikaŭ patrabujuć zavieści ideołaha ŭ štacie — raspytali, što robiać kampanii18
Kamientary