«Pucin — jak Justynijan, Łukašenka — jak Franka»
Kali Alaksandr Łukašenka voźmie prykład z Franka, a nie z Musalini, to mahčyma, śviet acenić toje, što biełarusy nie vajujuć va Ukrainie, piša Juryj Drakachrust
Lehijony vizantyjskaha impieratara Justynijana viarnuli impieryi afrykanskija terytoryi, Italiju, navat častku terytoryi ciapierašniaj Ispanii. Mahčyma, tady žychary Rymskaj impieryi ličyli, što impieryja adradziłasia, što impieratar adnaviŭ impieryju, što zaniepadała.
Nasamreč heta apošniaja kanvulsija impieryi. Paśla Justynijana raspad impieryi praciahnuŭsia. I heta była niaŭmolnaja histaryčnaja tendencyja.
Ciapier Pucin choča pierałamać chod historyi, choča stać sučasnym Justynijanam. Pakul što ŭ jaho spravy iduć nie nadta. Ale navat kali jamu budzie spadarožničać pośpiech — chutčej za ŭsio, los jaho zavajovaŭ (a Ukrainu jamu vidavočna treba zavajoŭvać) budzie taki ž, jak i ŭ jaho vizantyjskaha papiarednika.
Jon pretenduje na miesca ŭ historyi, jak u Kaciaryny II. Ale inšaja epocha.
Pa-pieršaje, ukraincy nie dazvolać Pucinu zrabić niešta padobnaje. I ŭvieś astatni śviet. Navat kali jamu ŭdasca ŭziać pad vajenny kantrol častku Ukrainy ci ŭsiu krainu, što jon budzie z hetym rabić?
Sankcyi zrujnujuć rasijskuju ekanomiku, ukraincy buduć supraciŭlacca rasijskamu kantrolu — naŭprost abo praz maryjanietak. Bambavańni Kijeva, Charkava i inšych haradoŭ, ukraincy prynamsi jašče doŭha nie zabuduć i nie darujuć — i Kramlu, i Rasii.
Biełarusam mohuć daravać, kali Łukašenka pa-raniejšamu budzie ŭstrymlivacca ad pramoha ŭdziełu ŭ vajnie, kali jon nie pašle biełarusaŭ zabivać ukraincaŭ, kali voźmie histaryčny prykład z Franka, a nie z Musalini.
Adnak Łukašenka — heta ŭžo nie zusim Franka. Franka nie prapuściŭ viermacht praź Ispaniju dla zachopu Hibrałtara — u nacystaŭ byŭ taki prajekt. Jon nie dazvoliŭ, niemcy nie stali nastojvać.
Łukašenka dazvoliŭ rasijskim vojskam rabić na terytoryi Biełarusi ŭsio, što im zachočacca. Kirunak udaru pa Ukrainie — adzin z hałoŭnych, kali nie hałoŭnaje — pa Kijevie.
U hetym sensie Łukašenka ŭžo nie Franka. Ale … mahčyma, śviet acenić toje, što biełarusy nie vajujuć va Ukrainie.
-
Cyhankoŭ: Babaryka značna bližejšy da pazicyi ofisa Śviatłany Cichanoŭskaj, čym da vykazvańniaŭ «babarykancaŭ»
-
Babaryka turemščykam: «U mianie było, ciapier niama, ale jość šaniec, što budzie. A ŭ vas nie było, niama i nie budzie. I ŭ vašych dziaciej nie budzie»
-
«Mnie kazali: ty havoryš jak kanadski emihrant». Siarhiej Šupa raskazaŭ pra Vilniu 90-ch, paraŭnańnie litoŭskaj litaratury ź biełaruskaj i adroźnieńni pamiž narodami
Ciapier čytajuć
Top sučasnych elitnych žyllovych kompleksaŭ Minska. Kvadrat tam kaštuje da 11 000 dalaraŭ3
Kamientary