Rasijskija vajskoŭcy abstralali i pierajechali tankam aŭto «Ukrpošty», na jakim razvozili piensii: dvoje zahinułych
U Zaparožskaj vobłaści rasijskija vajskoŭcy spačatku abstralali aŭto «Ukrpošta», a paśla pierajechali jaho: zahinuli dvoje supracoŭnikaŭ pošty, jakija razvozili piensii, piša «Ukrainskaja praŭda».
Pa źviestkach «Ukrpošty», heta byli rasijskija vajskoŭcy-kadyraŭcy, trahiedyja adbyłasia 5 sakavika. Na miescy zahinuli mužčyna i žančyna. Usio heta zafiksavana na fota [zdymki apublikavanyja ŭ siecivie, ale nie pryvodzim ich tut z etyčnych mierkavańniaŭ — NN].
Supracoŭniki «Ukrpošty» razvozili piensii i poštu pa maršrucie, jaki prachodzić praz nasielenyja punkty Arechava, Amielnik, Jahoraŭka i Navasiołaŭka.
Pa darozie pamiž nasielenymi punktami Jahoraŭka i Navasiołaŭka na sustreču hramadzianskaj mašynie vyjechaŭ tank. Kiroŭca aŭtamabila ŭziaŭ trochi ŭprava, kab prapuścić vajennuju techniku. U adkaz rasijskija sałdaty zdalok adkryli ahoń pa hramadzianskim aŭtamabili, a zatym najechali na jaho.
Ciapier aŭtamabil staić na darozie pamiž nasielenymi punktami Jahoraŭka i Navasiołaŭka.
6 sakavika supracoŭniki «Ukrpošty» pasprabavali zabrać zahinułych kaleh, pakolki spadziavalisia, što chtości vyžyŭ.
Ale na miescy trahiedyi jany paśpieli tolki sfatahrafavać miesca zdareńnia, tamu što pačali źjaŭlacca rasijskija tanki i zastavacca było niebiaśpiečna dla ŭłasnaha žyćcia.
Raźbitaja mašyna ź ciełami zahinułych supracoŭnikaŭ pošty zastałasia stajać u poli.
U suviazi z praviadzieńniem bajavych dziejańniaŭ na hetym učastku miascovaści i pieramiaščeńniem rasijskaj vajennaj techniki, evakuacyja cieł zahinułych u hety momant niemahčymaja.
Ciapier čytajuć
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram30
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram
«Łukašenka pavinien panieści adkaznaść za saŭdzieł u rasijskaj ahresii». Ministr zamiežnych spraŭ Ukrainy raskazaŭ pra novuju palityku ŭ dačynieńni da Biełarusi2424
Kamientary