Расійскія вайскоўцы абстралялі і пераехалі танкам аўто «Укрпошты», на якім развозілі пенсіі: двое загінулых
У Запарожскай вобласці расійскія вайскоўцы спачатку абстралялі аўто «Укрпошта», а пасля пераехалі яго: загінулі двое супрацоўнікаў пошты, якія развозілі пенсіі, піша «Украінская праўда».
Па звестках «Укрпошты», гэта былі расійскія вайскоўцы-кадыраўцы, трагедыя адбылася 5 сакавіка. На месцы загінулі мужчына і жанчына. Усё гэта зафіксавана на фота [здымкі апублікаваныя ў сеціве, але не прыводзім іх тут з этычных меркаванняў — НН].
Супрацоўнікі «Укрпошты» развозілі пенсіі і пошту па маршруце, які праходзіць праз населеныя пункты Арэхава, Амельнік, Ягораўка і Навасёлаўка.
Па дарозе паміж населенымі пунктамі Ягораўка і Навасёлаўка на сустрэчу грамадзянскай машыне выехаў танк. Кіроўца аўтамабіля ўзяў трохі ўправа, каб прапусціць ваенную тэхніку. У адказ расійскія салдаты здалёк адкрылі агонь па грамадзянскім аўтамабілі, а затым наехалі на яго.
Цяпер аўтамабіль стаіць на дарозе паміж населенымі пунктамі Ягораўка і Навасёлаўка.
6 сакавіка супрацоўнікі «Укрпошты» паспрабавалі забраць загінулых калег, паколькі спадзяваліся, што хтосьці выжыў.
Але на месцы трагедыі яны паспелі толькі сфатаграфаваць месца здарэння, таму што пачалі з'яўляцца расійскія танкі і заставацца было небяспечна для ўласнага жыцця.
Разбітая машына з целамі загінулых супрацоўнікаў пошты засталася стаяць у полі.
У сувязі з правядзеннем баявых дзеянняў на гэтым участку мясцовасці і перамяшчэннем расійскай ваеннай тэхнікі, эвакуацыя цел загінулых у гэты момант немагчымая.
Цяпер чытаюць
«Ты яшчэ не стамілася?» Апублікавалі перапіску Мельнікавай, дзе ёй пагражалі9
Каментары