ES razhladaje režym Łukašenki jak suahresara ŭ vajnie RF suprać Ukrainy
Pra heta havorycca ŭ zajavie ES, apublikavanaj padčas śpiecyjalnaha pasiadžeńnia Pastajannaj rady ABSIE ŭ paniadziełak u Vienie, paviedamlaje «Ukrinfarm».
«Poŭnamaštabnaja vajna prezidenta Pucina suprać Ukrainy źjaŭlajecca hrubym parušeńniem mižnarodnaha prava i Statuta AAN i padryvaje jeŭrapiejskuju i hłabalnuju biaśpieku i stabilnaść. Histaryčnaja rezalucyja HA AAN na minułym tydni pakazała, što mižnarodnaja supolnaść adzina vystupaje suprać rasijskaj zachopnickaj vajny. Rasija, z udziełam režymu Łukašenki jak suahresara, niasie poŭnuju adkaznaść za achviary siarod ludziej, ranieńni i razbureńni», — havorycca ŭ zajavie.
Jeŭrasajuz vystupiŭ z patrabavańniem da Rasii «nieadkładna spynić svaje vajennyja dziejańni, vyvieści ŭsie svaje vojski z usioj terytoryi Ukrainy i poŭnaściu pavažać terytaryjalnuju cełasnaść, suvierenitet i niezaležnaść Ukrainy ŭ miežach jaje mižnarodna pryznanych miežaŭ i terytaryjalnych vod». Taksama Rasija «pavinna spynić svaju kampaniju dezinfarmacyi i kibieratak».
«My taksama paŭtarajem naš zaklik da Biełarusi nie sadziejničać rasijskaj ahresii i vykonvać svaje mižnarodnyja abaviazacielstvy. ES rašuča padtrymlivaje nieadjemnaje prava Ukrainy na samaabaronu, a taksama namahańni ŭkrainskich Uzbrojenych sił pa abaronie terytaryjalnaj cełasnaści i nasielnictva Ukrainy ŭ adpaviednaści z artykułam 51 Statuta AAN», — havorycca ŭ zajavie ES.
Ciapier čytajuć
Łukašenka pieraabuŭsia: Pozna ŭviečary Minsk pahruzili ŭ ciemru. Navošta? Ja ž ad vas hetaha nie patrabavaŭ24
Kamientary