Pa zakonach vajennaha času: ukraincy kanfiskavali 25 biełaruskich fur pry sprobie vyjezdu z krainy
U vyniku napadu Rasii na Ukrainu, jaki ažyćciaŭlajecca ŭ tym liku z terytoryi Biełarusi, krainie była naniesienaja hihanckaja materyjalnaja škoda. Sajuźniki Kijeva zamarožvajuć rasijskija aktyvy, častka hetych srodkaŭ moža ŭ budučyni być skarystanaja dla kampiensacyi škody i adnaŭleńnia razburanaj infrastruktury i žyłoha fondu. Pakolki Biełaruś u śviecie razhladajuć jak saŭdzielnika ahresii, to i majomaść biełaruskich kampanij va Ukrainie traplaje ŭ padobnuju situacyju.
Jak stała viadoma «Našaj Nivie», u noč na 8 sakavika ŭ punkcie propusku «Jahodzin» na miažy Ukrainy i Polščy ŭkrainski bok kanfiskavaŭ 25 fur ź biełaruskimi numarami.
«Pry sprobie vyjechać z Ukrainy biełaruskija fury roznych kampanij tarmazilisia ŭ adstojniku, paśla čaho nam, kiroŭcam, uzbrojenyja pahraničniki (ci, nie viedaju, chto heta byŭ) zahadali pakinuć mašyny.
Na našy miescy sieli tolki što pryviezienyja dla hetaha miascovyja kiroŭcy, i ŭsio. Papier ab kanfiskacyi nie vydali, skazali — nie da taho.
Ja ŭkraincaŭ cudoŭna razumieju, čamu jany tak dziejničajuć, i čamu biełaruskija fury kanfiskavanyja. Na słovach patłumačyli, što technika ciapier budzie pracavać u intaresach ukrainskaj armii.
Mianie tolki chvaluje, jak davodzić pracadaŭcu, što voś takoje było, u razie, kali nie dali papier ab kanfiskacyi. Budziem dabivacca vydačy papier», — skazaŭ «Našaj Nivie» adzin z kiroŭcaŭ kanfiskavanych fur.
Čytajcie: Biełaruś mohuć pryznać ahresaram naroŭni z Rasijaj. Ci daviadziecca tady płacić reparacyi?
Ciapier čytajuć
Kaleśnikava: «Mianie šakuje maštab nianaviści i ahresii». Maryja patłumačyła, što dla jaje značyć viartańnie da narmalnaści45
Kaleśnikava: «Mianie šakuje maštab nianaviści i ahresii». Maryja patłumačyła, što dla jaje značyć viartańnie da narmalnaści
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ1010
Kamientary