«Mienavita ŭkraincy blizkija mnie pa duchu!» Baksior Vital Hurkoŭ zapisaŭsia ŭ abaroncy Kijeva
Fota z Kijeva ŭ bronikamizelcy Hurkoŭ vykłaŭ u svaim instahramie. I vykazaŭsia pra biełarusaŭ u hetaj vajnie.
Pryvodzim jaho emacyjny dopis sa skaračeńniami:
«Ja biełarus, u ciapierašni momant kijeŭlanin. Hety vybar byŭ nie vypadkovym. Mienavita tut pjany miadźviedź «pałamaŭ zuby» i «prykusiŭ hubu». Mienavita ŭkraincy blizkija mnie pa duchu! Mnohija ŭ majoj krainie nie razumieli hłybiny ŭsich padziej 2020-ha i ciapier afihievajuć ad taho, što adbyvajecca. Ja heta bačyŭ u strašnych snach, ale razumieŭ, što rana ci pozna zdarycca.
Być biełarusam ciapier zaškvar, paŭsiul, va Ukrainie, u Jeŭropie, bo mienavita ź biełaruskaj miažy idzie nastupleńnie na Kijeŭ i *** [bjuć] rakiety pa mirnych haradach. Heta zdrada.
Usio, što adbyvajecca, heta hienacyd ukrainskaha narodu, z boku Rasii pry maŭklivaj zhodzie biełarusaŭ.
Možna apraŭdvacca choć da paniadziełka, fakt zastajecca faktam.
Liču hierojami tych ludziej, jakija ŭ Biełarusi i Rasii, nie pabajaŭšysia represij, vyjšli na vulicy na znak pratestu, suprać vajny.
Hieroi — našy «rejkavyja partyzany», jakija sprabavali spynić pastaŭki vajennaj techniki ruskich na terytoryju RB.
Kožny na svaim miescy, chtości ŭ infarmacyjnaj vajnie, chtości ŭ sapraŭdnych bajavych dziejańniach!
Słava Ukrainie! Žyvie Biełaruś!»
Raniej baksior zapisvaŭ videazvarot, dzie kazaŭ, što mnohija biełarusy hatovyja abaroniać svabodu Ukrainy.
«Ja i mnohija inšyja biełarusy hatovyja abaraniać svabodu Ukrainy». Hurkoŭ zapisaŭ videazvarot z-za pahrozy vajny
Vital Hurkoŭ pra vajnu va Ukrainie: Toje, što ciapier adbyvajecca, heta ŭ tym liku z-za Cichanoŭskaj
Fatohraf-ahient z dvuma pašpartami zdymaje biełarusaŭ i ich mierapryjemstvy ŭ Varšavie13
Kamientary