Novaja narada ŭ Nacbanku. Krynicy: za spažyvieckaje kredytavańnie pahražajuć karać, rajać pierachodzić na juani
«Našaj Nivie» stali viadomy abstaviny čarhovaj narady kiraŭnictva Nacbanka z kiraŭnikami bankaŭ. Siarod hałoŭnych punktaŭ: pakarańni za niespynieńnie spažyvieckaha kredytavańnia, čakańnie prablem ź likvidnaściu, dazvoł na viadzieńnie kreatyŭnaj buchhałteryi.
Pa słovach krynic «Našaj Nivy», kiraŭnictva Nacbanka pačało naradu ź pierakazu trahikamičnaj situacyi, jak niekatoryja dziaržaŭnyja pradpryjemstvy, majučy subsidyi ŭ vyhladzie dostupu da vialikich tannych kredytaŭ, patracili kredytnyja rubli na valutu i pakłali jaje na depazit, čym dadatkova raskrucili popyt na valutu.
Kali kazać pra rekamiendacyi, to asobna prahučała parada klijentam bankaŭ pierachodzić u raźlikach pamiž jurasobami na juań.
U krasaviku čakajecca prablema ź likvidnaściu ŭ bankaŭ, bo tyja hrošy, jakija pakul jość na rachunkach pradpryjemstvaŭ, syduć na rachunki Minfina dla apłaty kvartalnych padatkaŭ, što abiacaje deficyt hrašovaj masy.
Dadziena ŭstanoŭka pavyšać staŭki pa depazitach dla fizičnych asob pad pahrozaj niadopusku bankaŭ-parušalnikaŭ da aŭkcyjonaŭ likvidnaści (raniej była ŭstanoŭka zharnuć spažyvieckaje kredytavańnie, kab źnizić popyt na impart i valutu, ciapier ža zajaŭlajuć, što tych, chto nie słuchajecca, adrežuć ad likvidnaści — zabaroniać kuplać «karotkija» hrošy, jakija i tak ciapier pradajucca Nacbankam pad 30% hadavych).
Taksama Nacbank dazvoliŭ vykarystoŭvać rejtynhi rasijskich bankaŭ stanam na 01.02.2022.
Spraščajučy, heta značyć, što banki pavinny rehularna aceńvać jakaść aktyvaŭ i, u zaležnaści ad ich jakaści, farmiravać reziervy (što aznačaje vydatki na sumu sumnieŭnych aktyvaŭ).
Čym horšaja jakaść aktyvu, tym bolšy pavinien być rezierv. Adzin ź mietadaŭ acenki aktyva — rejtynh kontrahienta. Kali niejki bank zachoŭvaje hrošy ŭ rasijskich bankach, to paśla źnižeńnia (paśla sankcyj) rejtynhaŭ hetych bankaŭ, jakaść aktyvaŭ treba źnizić, ale ciapier Nacbank dazvalaje hetaha nie rabić i vykarystoŭvać rejtynhi na 01.02.2022.
Kali pa isnych mietodykach treba pryznać, što hetyja aktyvy stali śmiećcievymi, to NBRB dazvalaje zrabić vyhlad, što heta nie tak.
Čytajcie: Krynicy: Spažyvieckaje kredytavańnie spyniajecca. Padrabiaznaści zakrytaj narady ŭ Nacbanku
Ciapier čytajuć
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ99
Kamientary