«Pucin nie pavinien zastacca pry ŭładzie». Bajden vystupiŭ u Varšavie z prahramnaj pramovaj VIDEA
Prezident ZŠA Džo Bajden znachodzicca ź vizitam u Varšavie. Jon vystupiŭ ź vialikaj pramovaj pra vajnu va Ukrainie. Pryvodzim niekatoryja cytaty.
Siarod tych, chto byŭ zaprošany na pramovu prezidenta Bajdena, była i Śviatłana Cichanoŭskaja. Na fota: jana z premjeram Polščy Matevušam Maravieckim.
«Zachadu treba być hatovym da doŭhaj baraćby pamiž demakratyjaj i aŭtakratyjaj. Vajna ŭžo stała pravałam Pucina. Ën chacieŭ, kab Ukraina ŭstała na kaleni. A Ukraina supraciŭlajecca».
«Rasijanie adrezanyja ad sučasnaha śvietu. Vy byli krainaj XXI stahodździa. Ciapier vy kraina XIX stahodździa».
«Rasijskija aliharchi byli architektarami hetaj vajny. My zabrali ŭ ich usio».
«Pucin pastaviŭ pierad saboj metu, jakuju nie dasiahnie».
«Pucin kaža, što choča «denacyfikavać Ukrainu». Heta cyničnaja brachnia. Ën choča skinuć Zialenskaha, jaki jaŭrej pa pachodžańni, jaki zakonna abrany prezident, dzied jakoha vajavaŭ z nacysckaj Hiermanijaj».
«200 tysiač rasijan užo pakinuli krainu za miesiac — vielizarny vyciek mazhoŭ. Ja zaŭsiody kazaŭ ščyra i kažu rasijskamu narodu: vy nie našy vorahi. Kali vy ličycie, što zabojstva dziaciej i starykoŭ zjaŭlajecca spraviadlivym — usio heta nie dziejańni vialikaj dziaržavy. Vaša kraina jak nichto inšy pavinna pamiatać takuju situacyju: uspomnicie 30-ja i 40-ja hady. Mienavita taki žach pryniesła z saboj rasijskaja armija. Siońnia ahresija Pucina adrezała vas ad astatniaha śvietu i viarnuła ŭ 19 stahodździe. Niaŭžo heta budučynia, jakuju zasłuhoŭvajecie i vy i vašy dzieci? Vy zasłuhoŭvajecie lepšaha, čym hetaja vajna».
«My pavinny pierajści na inšyja krynicy enierhii, my nie pavinny dazvolić tyranu dyktavać svaje ŭmovy».
«Siła naroda bolšaja za siłu dyktatara. Jak siońnia skazaŭ by Jan Pavieł II, «nie spyniajciesia, nie rasčaroŭvajciesia, nie bojciesia!». Dyktatar, jaki choča stvaryć impieryju, nikoli nie pieramoža svabodu. Śviet budzie svabodnym. Ukrainu nikoli nie pieramohuć, bo volnyja ludzi nie chočuć žyć u ciemry. Hety čałaviek [Pucin] nie pavinien zastacca pry ŭładzie. Chaj vas dabrasłavić boh i chaj boh baronić našu svabodu i našy vojski».
Aryštavany 75‑hadovy Źmicier Sańko — vieteran-vydaviec3
Kamientary