Na Čarnobylskaj AES, zachoplenaj rasijskimi vajskoŭcami, udałosia častkova zamianić piersanał
Na Čarnobylskaj atamnaj elektrastancyi, zachoplenaj rasijskimi vajskoŭcami, udałosia pravieści ratacyju piersanału, jaki znachodziŭsia ŭ zakładnikach ź pieršaha dnia vajny, piša «Ukrainskaja praŭda».
«Nam sapraŭdy ŭdałosia zamianić tuju źmienu, jakaja apynułasia ŭ pieršy dzień maštabnaha ŭvarvańnia, 24 lutaha, na Čarnobylskaj AES. 26 dzion usie rabotniki stancyi znachodzilisia tam u zakładnikach. Nam udałosia častkova zamianić ludziej, kab jany viarnulisia ŭ svaje siemji, — raskazaŭ padčas telemarafonu kiraŭnik Słavuciča Juryj Famičoŭ. —
My znajšli dobraachvotnikaŭ — jany sapraŭdnyja hieroi, jak i tyja, chto byŭ tam u hety čas. Ale heta ŭžo ŭśviadomlenaje rašeńnie ludziej: pajechać na Čarnobylskuju AES, razumiejučy, što heta moža być nadoŭha.
My viadziem pastajanny dyjałoh, kab rabić ratacyju čaściej. Kab heta było nie 20 dzion, a chacia b udvaja mienš. Ab paŭnavartasnym adnaŭleńni sistemy pracy i zamieny piersanału pakul havorka nie idzie, ale pra bolš častuju ratacyju pieramovy praciahvajucca».
Pieryjadyčna jość suviaź pa stacyjanarnych telefonach z tymi, chto znachodzicca na ČAES. Na stancyi jość zapas praduktaŭ, zaviezienych jašče da vajny, skazaŭ Famičoŭ.
Rasijskija vajskoŭcy zachapili Čarnobylskuju atamnuju elektrastancyju ŭ pieršy dzień vajny, 24 lutaha. Piersanał staŭ zakładnikam, tamu što rasiejcy nie davali pravieści ratacyju, a stomlenaść rabotnikaŭ pahražaje biaśpiecy na zakansiervavanaj ČAES.
Ciapier čytajuć
Advakat Kanavałava, rasstralanaha za terakt u mietro, upieršyniu raskazaŭ, što adbyvałasia padčas śledstva13
Advakat Kanavałava, rasstralanaha za terakt u mietro, upieršyniu raskazaŭ, što adbyvałasia padčas śledstva
Ciahnik Pinsk—Minsk spyniŭsia pad Dziaržynskam biez aciapleńnia. Paśla prybyćcia ŭ stalicu pasažyraŭ razabrali ludzi z sacsietak i raźvieźli pa chatach1515
Kamientary