«Joj lepiej być z mamaj», — pradstaŭnik MZS Polščy pra stan Anžaliki Borys
Staršynia niepryznanaha biełaruskimi ŭładami Sajuza palakaŭ Anžalika Borys znachodzicca doma, pad chatnim aryštam. Pra heta zajaviŭ siońnia na bryfinhu pres-sakratar MZS Łukaš Jasina.
U piatnicu staršynia Sajuza palakaŭ Biełarusi Anžalika Borys paśla hadavoha źniavoleńnia vyjšła pad damašni aryšt. Jaje zatrymali ŭ Hrodnie 23 sakavika minułaha hoda, na žančynu zaviali kryminalnuju spravu za «raspalvańnie nacyjanalnaj i relihijnaj nianaviści» i «reabilitacyju nacyzmu» (č. 3 art. 130), što pahražaje turemnym źniavoleńniem na termin ad 5 da 12 hadoŭ.
Pavodle słoŭ Łukaša Jasiny, paśla taho, što Anžalika pieražyła za kratami, joj lepš znachodzicca «choć by pad chatnim aryštam, doma ŭ svajoj mamy, čym u žanočaj turmie, vielmi ciažkaj i vielmi strohaj».
«Anžalika Borys u hety momant znachodzicca doma. Jana adpačyvaje i sprabuje nabracca sił paśla taho, što zdaryłasia», — skazaŭ pradstaŭnik MZS.
Adnosna Andreja Pačobuta, jaki taksama ŭžo bolš za hod znachodzicca za kratami, spadar Jasina paviedamiŭ, što nie moža skazać ničoha stanoŭčaha nakont jaho, ale dadaŭ: «My starajemsia zrabić usio — i nie tolki my — kab Andrej uźjadnaŭsia sa svajoj siamjoj».
Razam z tym u polskim MZS nie majuć iluzij adnosna sutnaści biełaruskich uładaŭ. «Hety režym, my ŭsie viedajem, jaki jon. Heta ŭdača, što Anžalika Borys vyjšła na volu, sutnaści biełaruskaha režymu heta absalutna nie mianiaje. Jon žorstki navat u dačynieńni da tych, chto da jaho dałučajecca, jak, naprykład, mister Emil Čečka», — adznačyŭ Łukaš Jasina.
-
«Zrabili pravilnyja vysnovy». Ministr enierhietyki acaniŭ likvidacyju nastupstvaŭ niepahadzi
-
«Naturalnaja spakusa — uvapchnuć ŭ siabie ŭsio, pra što ŭ niavoli zastavałasia tolki mroić». Były palitviazień Karniej raskazaŭ pra turemny racyjon i jak ad jaho adychodzić
-
U Minsku mužčyna rabiŭ ramont ziaciu, a budmateryjały braŭ u susiedziaŭ
Ciapier čytajuć
Jak Jadźvihin Š. smažyŭ u redakcyi skvarki i čamu łožak Kupały nahadvaŭ dochłaha viarbluda. Ivulin i Astapienia źniali zachaplalny film pra «Našu Nivu»88
Kamientary