Syn Siarhieja Bulby, jaki źbiraje hrošy ŭ Polščy, kaža, što biełaruskaja milicyja padkinuła jamu narkotyki
Kanstancin Kalinoŭski pa-raniejšamu raskazvaje pra niejki palityčny pieraśled, ale dokazaŭ hetamu nijakich nie daje.
Kanstancin Kalinoŭski, syn Siarhieja Bulby, udakładniŭ historyju svajho žyćcia. Jon pryznaŭsia ŭ intervju «Radyjo Svaboda», što nasamreč maje dva kryminalnyja prysudy za narkotyki.
Nahadajem, «Naša Niva» napisała pra toje, što 34‑hadovy biełarus źbiraje hrošy ŭ Polščy, vydajučy siabie za palityčnaha ŭciekača.
Čytajcie padrabiazna: Syn Siarhieja Bulby źbiraje hrošy ŭ Polščy, prydumaŭšy sabie bijahrafiju vieterana i palityčnaha ŭciekača
Kanstancin Kalinoŭski pryznaŭ, što ŭ pačatku 2010‑ch jaho nasamreč asudzili za narkotyki. Praŭda, dakazvaje, što havorka išła pra marychuanu, a nie bolš ciažki sintetyčny narkotyk Alfa-RVR, pra jaki ŭzhadvajecca ŭ jaho prysudzie.
Pra zatrymańnie za narkotyki ŭ mai 2021 hoda Kalinoŭski raskazvaje vielmi błytana.
Pa-pieršaje, jon kaža, što dakładna nie pamiataje, kali heta było, ci to ŭ 2020-m, ci to ŭ 2021-m.
Pa-druhoje, jon zapeŭnivaje, što narkotyki jamu padsypali supracoŭniki milicyi.
Kalinoŭski, pa jaho słovach, pravioŭ try miesiacy ŭ SIZA ŭ Žodzina i atrymaŭ za hetyja narkotyki čatyry hady chimii z nakiravańniem.
Admietna, što ŭ pieršym intervju «Svabodzie» historyja ź jaho słoŭ apisvałasia zusim inačaj.
«U žniŭni 2020 hoda, raskazvaje Kanstancin, vychodziŭ na pratesty paśla prezidenckich vybaraŭ. Ź jahonych słoŭ, jaho zatrymali i jon try miesiacy prasiadzieŭ u SIZA», — havaryłasia ŭ tekście.
Z dataj vyjezdu ź Biełarusi taksama błytanina. Spačatku Kalinoŭski mierkavaŭ, što heta adbyłosia abo ŭ kancy 2020 hoda, abo ŭ pačatku 2021 hoda. Kali ž vyśvietliłasia, što, pavodle dakumientaŭ, jaho zatrymlivali ŭ mai 2021 hoda, to jon vykazaŭ zdahadku, što vyjechaŭ ź Biełarusi paśla taho, jak vyjšaŭ ź SIZA — značyć, niedzie ŭ žniŭni-vieraśni 2021 hoda.
Kalinoŭski kaža, što va Ukrainie prachodziŭ palihraf.
«Praz tydzień byŭ zvanok. Toj, chto telefanavaŭ, pradstaviŭsia supracoŭnikam Słužby biaśpieki Ukrainy, skazaŭ, što mnie časova treba pakinuć Ukrainu», — raskazaŭ jon «Svabodzie». Kalinoŭski sprabavaŭ viarnucca va Ukrainu, kab iści ŭ dobraachvotniki, ale ŭrešcie atrymaŭ zabaronu na ŭjezd da 25 kastryčnika 2025 hoda.
Ciapier čytajuć
U dakumientach pa «spravie Epštejna» znajšli ślady bujnych hrašovych pieravodaŭ u Minsk. Znoŭ uspłyło imia Karyny Šulak11
Kamientary