Pres-sakratar MZS Biełarusi Anatol Hłaz ličyć niezaprašeńnie biełaruskich dypłamataŭ na mierapryjemstvy z nahody hadaviny vyzvaleńnia kancłahieraŭ Buchienvald i Mitelbaŭ-Dora abraźlivym dla biełaruskaha i inšych narodaŭ, jakija vajavali suprać fašyzmu.
Z-za vajny va Ukrainie niamiecki fond «Miemaryjały Buchienvalda i Mitelbaŭ-Dora» dniami paviedamiŭ, što sioleta nie choča bačyć delehacyi Rasii i Biełarusi na pamiatnaj cyrymonii da hadaviny vyzvaleńnia łahieraŭ 10 krasavika.
Pastanova była pryniataja paśla taho, jak u Charkavie rasijskim snaradam byŭ zabity viazień Buchienvalda 96-hadovy Barys Ramančanka.
Pres-sakratar MZS paćvierdziŭ atrymańnie lista ad Fonda i nazvaŭ jaho rašeńnie «asabliva emacyjnym i kanjunkturnym» «jakoje «ničym nie moža być apraŭdana» z ulikam taho, kolki biełarusaŭ zahinuła ŭ Druhoj suśvietnaj vajnie i kolki prajšło praź niamieckija kancłahiery, Buchienvald u tym liku.
Hłaz zajaviŭ, što niezaprašeńnie dypłamataŭ Rasii i Biełarusi na mierapryjemstva — «faktyčna plavok u tvar ludziam, jakija pieražyli žachi fašysckich kancłahieraŭ». Pra los Barysa Ramančanki, u tvar jakomu prylacieŭ nie plavok, a zabojčy rasijski snarad, jon pry hetym nie zhadaŭ.
Čytajcie taksama:
Pradstaŭniki režymaŭ Pucina i Łukašenki — piersony non-hrata na mierapryjemstvach da hadaviny vyzvaleńnia nacysckich kancłahieraŭ
Jak vyhladaje razbomblenaja kvatera zabitaha ŭ Charkavie 95-hadovaha viaźnia Buchienvalda FOTA
U Charkavie pad rasijskimi abstrełami zahinuŭ 95-hadovy były viazień Buchienvalda
Dziaržaŭnyja sacyjołahi: Biełarusy najpierš źviazvajuć svaju dziaržaŭnaść ź Vialikim Kniastvam Litoŭskim23
Kamientary