Ksiondz z Łyntupaŭ adbyŭ u IČU šeść sutak biez suda, na jaho skłali druhi pratakoł
Ksiandza Alaksandra Barana zatrymali 24 sakavika za «pikietavańnie» praz fatahrafii sa ściaham Ukrainy i bieła-čyrvona-biełym ściaham u sacsietcy.
«Dla mianie, jak i dla inšych chryścijan, bieła-čyrvona-bieły ściah — heta znak Chrysta ŭvaskrosłaha, jaki niasie śviet, — zajaviŭ Baran. — A ściah Ukrainy ja raźmiaściŭ, bo słužyŭ tam, u mianie zastalisia siabry i svajaki va Ukrainie, i takim čynam ja chacieŭ pakazać, što pamiataju pra ich i lublu».
Praz troje sutak, kali pavodle zakona ksiandza musili albo sudzić, albo vyzvalić, skłali novy pratakoł — za «raspaŭsiudžvańnie ekstremisckich materyjałaŭ». Heta dazvoliła milicyi pratrymać jaho jašče troje sutak.
Śviatar nie pryznaŭ viny. Sud pryznačany na 4 krasavika, paviedamlaje telehram-kanał «Pozirk».
Kamientary