Prajekt «Biełaruski Hajun» publikuje piersanalnyja źviestki rasijskich sałdat-maradzioraŭ. Rekardsmien pierasłaŭ dachaty amal paŭtony
Učora telehram-kanał «Biełaruski Hajun» apublikavaŭ try hadziny zapisaŭ z anłajn-kamiery kurjerskaj słužby SDEK u Mazyry, praź jakuju rasijskija sałdaty-maradziory adpraŭlajuć dachaty kradzienyja va ŭkraincaŭ rečy. Dziakujučy, jak śćviardžaje kanał, nieabyjakavym ludziam, jon atrymaŭ vialiki masiŭ asabistych źviestak hetych sałdat i pačaŭ ich publikavać.
Asnoŭnaja masa vyjaŭlenych maradzioraŭ pachodzić z horada Rubcoŭsk Ałtajskaha kraja, ale taksama jość z Harniaka (Ałtajski kraj), Čyty (Zabajkalski kraj), Žaleznahorska (Krasnajarski kraj), Omska, Uljanaŭska, Novasibirska, Maskvy, Anharska (Irkuckaja vobłaść), Usuryjska (Prymorski kraj) i Birabidžana (Jaŭrejskaja aŭtanomnaja vobłaść).
Tolki za adzin dzień, 2 krasavika, rasijskija sałdaty zdali na adpraŭku ŭ Mazyrski SDEK bolš za 2 tony rečaŭ, siarod jakich značnaja častka — kradzienyja. «Biełaruski Hajun» publikuje najpierš źviestki rekardsmienaŭ, jakija adpravili ad 50 da 450 kh.
Najbolš adznačyŭsia Jaŭhien Kavalenka, jaki dasłaŭ u Rubcoŭsk 450 kh roznych rečaŭ, siarod jakich instrumienty, muzyčnyja kałonki, stoł, pałatka i inšaje.
Padrabiaźniej pra rasijskich «hierojaŭ vajny» možna daviedacca tut.
Ciapier čytajuć
Łukašenka byŭ u Maskvie biez hieorhijeŭskaj stužki. Najaŭnaść abo adsutnaść stužak padzialiła haściej parada na dźvie hrupy10
Łukašenka byŭ u Maskvie biez hieorhijeŭskaj stužki. Najaŭnaść abo adsutnaść stužak padzialiła haściej parada na dźvie hrupy
Doktarku Alenu Mikałajevu padčas vajny adpravili na Vaładarku za dapamohu habrejam — u XXI stahodździ tam ža apyniecca jaje praŭnučka Maryna Zołatava33
Kamientary