Biełaruskija chakieisty dapamahli zbornaj Abjadnanych Arabskich Emirataŭ vyjhrać čempijanat śvietu ŭ trecim dyvizijonie ŭ hrupie «A».
U apošnim matčy kamanda abyhrała Luksiemburh (8:1). Raniej byli pieramožanyja Turkmienistan (10:4), Tajvań (10:2) i Turcyja (13:4), paviedamlaje Tribuna.com.
Turnir prachodziŭ u Luksiemburhu.
AAE — 12 (4), Turcyja — 6 (3), Turkmienistan — 4 (3), Luksiemburh — 2 (3), Tajvań — 0 (3).
Za zbornuju AAE vystupajuć čatyry biełaruskija hulcy — forvardy Alaksandr Usienka i Maksim Zacharaŭ, a taksama abaroncy Dźmitryj Šapavałaŭ i Vital Saŭko.
Pryčym Maksim Zacharaŭ staŭ najlepšym bambardziram turniru, zakinuŭšy siem šajbaŭ i zrabiŭšy 15 halavych pieradač.
U trenierskim štabie zbornaj taksama pracujuć dva biełarusy: pamočnik hałoŭnaha treniera Dźmitryj Pancyraŭ i mieniedžar pa ekipiroŭcy Andrej Jakimovič.
Nahadajem, što chakiejnyja zbornyja Biełarusi i Rasii adchilili ad udziełu ŭ spabornictvach, tamu jany nie voźmuć udziełu ŭ čempijanacie śvietu ŭ elitnym dyvizijonie.
Kamientary