«Šachcior» znoŭ hublaje ački, BATE ŭznačalvaje tablicu. Vyniki niadzieli ŭ biełaruskim futbole
Čempijon krainy siensacyjna hublaje ački, kolišni hiehiemon pierachoplivaje inicyjatyvu ŭ Salihorska — takimi stali vyniki treciaha tura vyšejšaj futbolnaj lihi krainy.
Barysaŭski BATE atrymaŭ treciuju pieramohu zapar, kali naprykancy tydnia skaryŭ navabranca elitnaha dyvizijona. Hały Malkieviča, Drahuna dy Vilumsana vymusili mahiloŭski «Dniapro» zvalicca amal na samaje tabličnaje dno. Tady jak kamanda Alaksandra Michajłava adnaasobna ŭznačaliła turnirnuju tablicu.
A voś lepšaja kamanda krainy navat niahledziačy na hoł Darba na 15-j chvilinie zastałasia bieź viktoryi. Salihorski «Šachcior» vyhladaŭ vielmi niaŭpeŭniena ŭ zmahańni z «Isłačču» — i tamu davoli łahična atrymaŭ miač u adkaz ad Nikifarenki. Darečy, byłoha hulca salihorcaŭ. Chaj sabie «harniaki» jašče nie sastupali ŭ pieršynstvie, ale «minus čatyry» ad lidara na starcie pieršynstva pravakuje dadatkovy cisk na hałoŭnaha treniera kamandy Ivana Bijončyka.
Jašče ŭ adnym dvuboi niadzieli hrodzienski «Nioman» adužaŭ «Dynama» z Bresta. Roźnicu zrabiŭ Hieham Kadzimian: pry liku 1:1 na 81-j chvilinie armianski lehijanier zasmuciŭ «bieła-błakitnych» — i prynies kalektyvu Ihara Kavaleviča tryumf u zachodnim derbi.
Nahadajem, što treci tur vyšejšaj lihi skončycca ŭ paniadziełak, kali zhulajuć «Arsienał» dy «Viciebsk», a taksama «Biełšyna» z «Homielem».
Čytajcie taksama:
«Naša Niva» adnaŭlaje zbor danataŭ — padtrymać prosta
Minskaje «Dynama» pieramahło «Słaviju», žodzinskaje «Tarpieda» sastupiła treci raz zapar. Vyniki matčaŭ suboty ŭ vyšejšaj lizie
Ciapier čytajuć
Jak siońnia žyvuć Kuźniečyki, jakija amal dva hady chavalisia ŭ pasolstvie Šviecyi, kab nie trapić u kipciury siłavikoŭ?3
Kamientary