MAHATE: Cituacyja ŭ Čarnobyli paśla zachopu jaje rasijanami «vielmi niebiaśpiečnaja»
Kiraŭnik MAHATE Rafael Hrosi zajaviŭ, što paśla zachopu rasijanami ŭzrovień radyjacyi ŭ rajonie Čarnobylskaj atamnaj elektrastancyi stancyi pavyšany, i jon ličyć situacyju «vielmi niebiaśpiečnaj».
Hrosi pryjechaŭ na ČAES u aŭtorak, u hadavinu katastrofy, jakaja adbyłasia na stancyi ŭ 1986 hodzie.
«Uzrovień radyjacyi, ja b skazaŭ, nienarmalny. Byli momanty, kali ŭzrovień pavyšaŭsia praz ruch ciažkaj techniki, jakuju rasijskija siły ŭvodzili siudy, i kali jany jaje vyvodzili. My sočym za hetym u štodzionnym režymie», — cytuje Hrosi ahienctva «Frans-pres».
Rasijskija vojski zaniali terytoryju Čarnobylskaj AES u pieršy dzień uvarvańnia, 24 lutaha, a syšli ź jaje ŭ kancy sakavika.
Jak kažuć pradstaŭniki Ukrainy, uzrovień radyjacyi ŭ rajonie stancyi pavyšaŭsia, u pryvatnaści, z-za taho, što technika raźviarnuła vierchni płast hleby; akramia taho, pa źviestkach ukraincaŭ, rasijskija sałdaty abkopvalisia i padoŭhu siadzieli ŭ plamach radyjacyjnaha zabrudžvańnia, u pryvatnaści, u znakamitym Rudym lesie kala stancyi, i mahli atrymać niebiaśpiečnyja dozy radyjacyi.
Ciapier čytajuć
Jak u halečy śpivałasia radnia Łukašenki? Małaviadomyja fakty30
Kamientary