Minskaja firma vypuskaje čachły na telefony ź litaraj Z. A ci možna zamović z nadpisam «Słava Ukrainie»?
Čytačy «Našaj Nivy» zaŭvažyli, što adna ź minskich kampanij vyrablaje čachły ź litaraj Z, jakaja stała simvałam rasijskaj ahresii. Pasprabavali zamović u servisie čachoł z nadpisam «Słava Ukrainie». I voś što atrymali ŭ adkaz.
Razmova pra firmu Caseme.by. U ich u sacsietkach možna znajści prykłady pradukcyi — z hieorhijeŭskaj stužkaj, litaraj Z i nadpisam «Mnie nie stydno, ja russkij». Prytym što hety ž servis robić na zamovu čachły ź biełaruskamoŭnymi nadpisami i arnamientam.
Ci mohuć jany pryniać zajaŭku ad klijenta na čachły z ukrainskim ściaham i nadpisam «Słava Ukrainie»?
«Z ukrainskim ściaham zrobim, a voś z frazaj «Słava» — nie. Hetaje vykazvańnie my nie drukujem», — admovili ŭ firmie.
Ale ž čamu rasijski Z možna, a heta nie?
«Nie treba sychodzić u palityčnyja razmovy, što dobra, a što drenna. Ja vas nie pierakanaju, vy nie pierakanajecie mianie.
My padtrymlivajem aficyjnuju palityku našaj dziaržavy, tamu nie drukujem u tym liku BČB i inšuju simvoliku. Ukrainski ściah — kali łaska, a voś frazy hetyja — nie», — patłumačyŭ mieniedžar.
Taksama servis vyrablaje čachły z emblemami MUS, śpiecnazu, pahranvojskaŭ. Adzin taki kaštuje 35 rubloŭ.
Čytajcie taksama:
Ad kavy i padhuźnikaŭ da matornych masieł i Iphone. Pa što biełarusam vyhadna jechać u Polšču i Litvu
ZŠA adkryvajuć lend-liz dla Ukrainy. Apošni raz takoje było dla baraćby z hitleryzmam
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB29
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ88
Kamientary