Dla hetaj azijackaj krainy vielmi važny vopyt ukrainskaha supracivu. Voś čamu
Tajvań znachodzicca na inšym kraju śvietu, ale heta nie pieraškadžaje miascovym žycharam vielmi pilna sačyć za vajnoj va Ukrainie. Hetaja bitva maładoj demakratyi suprać aŭtakratyčnaha susieda, jaki pahražaje samomu pravu nacyi na samavyznačeńnie, niekali moža paŭtarycca i dla Tajvania.
Si Czińpin i Uładzimir Pucin, aŭtakratyčnyja kiraŭniki Kitaja i Rasii, časam kažuć, što ich siabroŭstvu niama miežaŭ. Mała kaho heta pužaje tak, jak Tajvań, bo miascovyja žychary viedajuć — Kitaj maryć ab viartańni Tajvania sabie. Dźvie rečy nie dajuć vialikamu susiedu vykanać svaju maru: Tajvanski praliŭ šyrynioj 180 kiłamietraŭ i vajennaja moc ZŠA, piša Economist.
Tym nie mienš, Kitaj chutka navučycca pieraadolvać zhadanyja pieraškody, i niekatoryja amierykanskija aficery navat miarkujuć, što napad na Tajvań moža zdarycca da kanca dziesiacihodździa.
Taki napad mieŭ by katastrafičnyja nastupstvy, bo źniščyŭ by adnu z macniejšych demakratyčnych krain u Azii. U Tajvani vyrablajuć samyja pieradavyja ŭ śviecie kampjutarnyja čypy, tamu napad Kitaja vyklikaŭ by chaos u suśvietnaj ekanomicy, taksama ŭ vypadku paśpiachovaha napadu armija Kitaja atrymała b bieśpieraškodny dostup da adkrytaha akijana, što pastaviła b pad pahrozu Japoniju i ŭvieś rehijon.
Kab praduchilić heta, Tajvań, ZŠA i ich sajuźniki pavinny ŭličvać uroki rasijskaha ŭvarvańnia va Ukrainu. I voś samy važny ź ich: pahroza realnaja, tamu lepš rychtavacca da jaje zaraz, čym paźniej, padčas samoha boju.
Ukraina pakazała, što i bolšaha voraha možna trymać u strachu, kali maješ advažnaje kiraŭnictva, mocny bajavy duch, hatovaje da supracivu nasielnictva i zachodnija ŭzbrajeńni. I čym lepš Tajvań padrychtujecca, tym mienš imaviernaść taho, što Kitaj ryzyknie ŭvarvacca ŭ hetuju krainu.
Dobra, što ŭ Tajvania ŭžo jość nadziejnaja vajennaja daktryna. Heta tak zvanaja stratehija dzikabraza, zasnavanaja na paŭsiudnym mabilnym i schavanym uzbrajeńni, pryznačanym dla abarony, siarod jakoha jość supraćkarabielnyja i supraćpavietranyja rakiety. Vykanańnie hetaj stratehii aznačała b admovu ad niekatorych darahich samalotaŭ, rakiet i padłodak, jakija zaraz šukaje Tajvań, ale takija abjekty ŭsio roŭna, chutčej za ŭsio, byli b uzarvanyja pry pačatku bajavych dziejańniaŭ.
Padrychtoŭka tym bolš važnaja, što Tajvań — heta vostraŭ, adpaviedna tam bolš ciažka papaŭniać zapasy. Nieviadoma, jak chutka ZŠA zdoleli b dapamahčy krainie padčas vajny, tamu mahčymaść pratrymacca pavinna być hałoŭnym pryjarytetam. Pahladzim na Ukrainu: čym daŭžej jana vajuje, tym bolš dapamohi atrymlivaje.
Vierahodna, ZŠA mahli b dapamahčy Tajvaniu: dasyłać tudy bolš zbroi, zajmacca padrychtoŭkaj miascovaj armii i sumiesnymi vučeńniami ź joj, pašyrać kantakty z palitykami i aficerami Tajvania. Usio heta pryviadzie Kitaj u lutaść, tamu ad Bajdena patrabujecca asablivaja aściarožnaść. Lepiej za ŭsio, kali ZŠA budzie dapamahać Tajvaniu abaraniacca, ale nie budzie adkryta kazać, što ŭstupić u vajnu z Kitajem, kali toj uvarviecca.
«Našu Nivu» finansujuć jaje čytačy — padtrymać prosta
Čytajcie taksama:
Pientahon: Mahčymaść kanfliktu pamiž vialikimi dziaržavami raście, a nie pamianšajecca. Vajna va Ukrainie — na hady
Ciapier čytajuć
Łukašenka znoŭ apraŭdvaŭsia za hieorhijeŭskija stužki: hetym razam pierad rasijskim pasłom26
Kamientary