Washington Post: ZŠA abmiažoŭvajuć abmien raźvieddanymi z Ukrainaj, kab praduchilić bolš maštabnuju vajnu
Vašynhton nakiroŭvaje va Ukrainu zbroju na miljardy dołaraŭ, publična pieraličvajučy skład hetych pastavak, ažno da kolkaści patronaŭ. Ale ZŠA značna bolš aściarožnyja, kali apisvajuć inšy značny ŭniosak u pośpiech Ukrainy — raźvieddanyja ab rasijskich uzbrojenych siłach, piša BBC sa spasyłkaj na Washington Post.
Jak raspaviali vydańniu amierykanskija i ŭkrainskija aficyjnyja asoby na ŭmovach ananimnaści, infarmacyja ab raźmiaščeńni i pieramiaščeńniach rasijskich vojskaŭ pastupaje va Ukrainu ŭ režymie realnaha času.
Kab paźbiehnuć uzmacnieńnia napružanaści ŭ adnosinach pamiž Vašynhtonam i Maskvoj, amierykanskaja administracyja raspracavała kiraŭnictva pa abmienie raźvieddanymi, jakoje ŭstanaŭlivaje dźvie šyrokija zabarony na vidy infarmacyi, jakoj ZŠA mohuć dzialicca z Ukrainaj.
Pa-pieršaje, ZŠA nie mohuć davać padrabiaznuju infarmacyju, jakaja dapamahła b zabić pradstaŭnikoŭ rasijskaha kamandavańnia. U hetuju katehoryju traplajuć, u pryvatnaści, načalnik Hienštaba ŭzbrojenych sił Valeryj Hierasimaŭ i ministr abarony Siarhiej Šajhu.
Druhaja katehoryja tyčycca luboj infarmacyi, jakaja dapamoža Ukrainie atakavać rasijskija celi pa-za miežami Ukrainy, skazali surazmoŭcy vydańnia. Hetaje praviła zbolšaha pryznačanaje dla taho, kab ZŠA nie stali bokam u napadach, jakija Ukraina moža raspačać na terytoryju Rasii.
U dadatak da hetaha Vašynhton prytrymlivajecca praviła, jakoje zabaraniaje pradastaŭlać Ukrainie toje, što aficyjnyja asoby nazyvajuć «metavaj infarmacyjaj». Naprykład, ZŠA nie stanuć, pavodle słoŭ aficyjnych asob, paviedamlać ukrainskim siłam, što kankretny rasijski hienierał byŭ zaŭvažany ŭ peŭnym miescy, a zatym dapamahać Ukrainie nanieści pa im udar.
Ciapier čytajuć
Šakujučaja strata hoda, tajamničyja źniknieńni, dykpiki i departacyi — asnoŭnyja ludzi i padziei 2025 hoda3
Kamientary